IMAMAT 3:5 - Alkitab Singog In Mongondow Masa In Tanaa

⁵ Tua komintan poyotakinon in kuruban mita tubáan ibanea, musti tubáan kon tudu in mezbah. Rongingi in kuruban kokaanon tatua mokosanang kon gina i Tuhan.

IMAMAT 3:5 ပူးပေါင်းရင်းမြစ်များ

DATU MITA IMITÁNEA 8:64

Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.

TAWARIKH 2 35:14

Nopaḷut mako kon tua baintua bo intau mita in Lewi nonondídon kon silai monia tontaní bo kon imang mita inta buí i Harun. Sin, modapot in doḷom imang mita tatua in umuranbí mogaid moposumba in bobiagon mita nobaḻí kuruban payongon, bo motubá kon ḷongó in kuruban mita tatua.

IḶUAIAN 29:13

Mopaḷut mako kon tua gamádon in bayongan ḷongónea inta noikoḷob kon bonu in siannea, bo inta totok in mopia nongkon podilat bo kombiloinea takin ḷongónea bo ukatdon intua komintan kon tudu in mezbah bo tubádon mobaḻí sosumba kon i-Nakó.

YEHEZKIEL 44:15

Ki Tuhan Inta Totok in moḷantud in noguman, “Kon tungkuḷ in bangusa in Israel nonaḷámai kon i-Nakó, imang mita in Lewi nongkon buí i Zadok in tantúbí notoindudui in nogundoi kon i-Nakó kon Baḷoi-Ku. Tuamai in mosiadon in tanaa in musti mogundoi kon i-Nakó bo mamangoi kon tayowon-Ku sin moposumba in ḷongó bo dugú in kuruban mita.

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:17

Onda intua koḻikip in ḷagapan tatua musti yabion táe dika dapot in moyotontaní in awaknea. Bo ḷagapan tatua musti tubáan kon tudu in mezbah. Rongingi in kuruban sinubá tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 3:11

Ki imang inta mogaid kon oaidannea musti motubá kon tua mita kon tudu in mezbah sin mobaḻí kuruban kokaanon kon i Tuhan.

IMAMAT 3:4

kombiloi takin ḷongónea bo poatnea inta totok in mopia.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IMAMAT 4:35

Onda intua bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan kon tudu in mezbah, poyotakinon in kuruban kaanon inta posumba kon i Tuhan. Natua in pogogaid i imang kon moposumba in kuruban potobut kon dosa in intau tatua, dá sia in ampungan i Tuhan.

IMAMAT 6:12

Pomuḷoi in doḷo-doḷom ki imang musti mopondudub in kayu kon tudu in mezbah, monompia kon kuruban tubáan kon tudunea, bo motubá kon ḷongó in kuruban dodamean. Tuḷú kon tudu in mezbah musti umuran modokot bo diábí motaau in pomayá mako mopiong.

IMAMAT 7:28

Ki Tuhan nobogoi kon i Musa in atorang mita tanaa

IMAMAT 9:17

Nopaḷut mako pinosumbaneadon in kuruban oḷudon; ginamánea in topong toyangkom, bo sinubánea kon tudu in mezbah. Tua in nobaḻíbí indugang kon kuruban tubáan muḷoi in singgai.

PINOGIAPAN 15:8

Aka inta pokuruban tatua sapi koḷakian tobatú sin baḻíon kuruban inta payongon andeka kuruban poguboḻi kon dandi andeka kuruban pondamean,

PINOGIAPAN 18:17

Táe sapi, domba bo bembé inta muna pinogadí, in diábí motaau tobuton. Bobiagon tatua in sinantú bidon kon i-Nakó bo musti pokuruban. Pobutak in dugúnea kon mezbah bo ḷongónea in tubádon mobaḻí kuruban. Ronginginea mokosanang kon gina-Ku.

PINOGIAPAN 28:12

Mobaḻí kuruban oḷudon dá musti posumba in topong inta binauian in ḷana zaitun; topong toḷu nokilo in kon batúan sapi koḷakian; bo topong doyowa nokilo in kon domba koḷakian,

PINOGIAPAN 28:3

Naa in kuruban inta musti posumba kon i Tuhan: Inta mobaḻí kuruban muḷoi in singgai, tua in ki adí in domba koḷakian doyowa inta umur totaong inta diá nobogit,

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.