IMAMAT 3:2 - Alkitab Singog In Mongondow Masa In Tanaa

² Intau inta moposumba intua musti mopoukat in ḻimanea kon tudu in biag tatua bodongka ratáannea kon tayowon ngara in Ḷoḷaigan i Tuhan. Imang mita buí i Harun musti mopobutak in dugú in sapi tatua kon sí opat in mezbah.

IMAMAT 3:2 ပူးပေါင်းရင်းမြစ်များ

IḶUAIAN 29:10

Onda intua sapi koḷakian tatua musti diaanmu kon tayowon in ḷoḷaigan-Ku. Ki Harun bo ki adínea mita musti mopoukat in ḻima monia kon uḷu in biag mita tatua.

IḶUAIAN 29:11

Ratádon in sapi koḷakian tatua kon tayowon-Ku kon ngara in Ḷoḷaigan.

IḶUAIAN 29:15

Moiduduimai kon tua gamádon in domba tobatú nongkon domba koḷakian tatua. Ki Harun bo ki adínea mita musti mopoukat in ḻima monia kon uḷu in biag tatua.

IḶUAIAN 29:16

Bo ratádon in biag tatua, gamá in dugúnea bo popobutak kon sí opat in mezbah.

IḶUAIAN 29:19

Gamádon in domba koḷakian inta tobatú, domba inta pinaké kon upacara pinoduían kon imang. Pogumandon kon i Harun sinbá sia takin ki adínea mita mopoukat in ḻima monia kon uḷu in biag tatua.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

IMAMAT 1:11

Intau tatua musti moratá kon biag tatua kon dotá in utuan mezbah, bo imang mita musti mopobutak in dugúnea kon sí opat in mezbah tatua.

IMAMAT 17:3

Aka intau tobatú nongkon bangusa Israel moposumba in sapi, domba ande bembé kon i Tuhan, mahaḷuk tatua musti ratáannea kon tayowon ngara in Ḷoḷaigan i Tuhan. Aka ratáannea kon tampat ibanea, yo noḷawangdon in sia kon hukum sin nopobutakdon in dugú. Sia in diá bidon iapon anggota in umat i Allah.

IMAMAT 3:3

Aka pakéon kuruban dodamean kon i Tuhan, dá gamáan i imang naa nongkon biag tatua bo posumba: ḷongó inta noibakut kon siannea,

IMAMAT 3:8

Kon tua in sia bo musti mopoukat in ḻimanea kon uḷu in domba tatua bodongka ratáannea kon tayowon in Ḷoḷaigan. Bo imang musti mopobutak in dugú in domba tatua kon sí opat in mezbah.

IMAMAT 8:22

Bo ki Musa in bui nogamá kon domba koḷakian tobatú ibanea sin baḻíon kuruban pomaḻían kon imang. Ki Harun bo ki adínea mita mopoukat in ḻima monia kon uḷu in domba tatua,

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

PINOGIAPAN 18:17

Táe sapi, domba bo bembé inta muna pinogadí, in diábí motaau tobuton. Bobiagon tatua in sinantú bidon kon i-Nakó bo musti pokuruban. Pobutak in dugúnea kon mezbah bo ḷongónea in tubádon mobaḻí kuruban. Ronginginea mokosanang kon gina-Ku.

OUMAN IN RASUL MITA 3:15

Moiko in noḻimodon kon i-Nia inta pangkoi in kobiagan in bayongan intau, táe bui bo biniag i Allah in Sia nongkon sigad in intau minatoi. Bo kami naa in nokoontong tontaní kon tua komintan.

OUMAN IN RASUL MITA 3:26

Tuamai in ki Allah nomiḻí kon simpaḷ-Nea, bo nopotabá kon i-Nia namangoi muna kon i monimu, sinbá Sia in momarakat kon i monimu. Nanaa in pomomarakat-Nea kon i monimu, pogogai-Neadon in moiko komintan in mogaid kon moraat ná inta biasamai aidan monimu.”

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.