IMAMAT 3:1 - Alkitab Singog In Mongondow Masa In Tanaa

¹ Aka oyúon intau moposumba in sapi koḷakian tobatú sin pomiaan kuruban dodamean, dá sapi tatua motaaubí in koḷakian bo motaau doman in kobaayan, táe musti inta mopia totok.

IMAMAT 3:1 ပူးပေါင်းရင်းမြစ်များ

TAWARIKH 1 21:26

Bo ki Daud in noposindog in mezbah tobatú kon tua sin posumbaan kon i Tuhan, bo noposumba in kuruban payongon bo kuruban dodamean. Onda intua sia nosambayang bo inindongogan i Tuhan in sambayangnea tatua takin nopoangoi in tuḷú nongkon ḷangit inta nomokak kon kuruban mita kon tudu in mezbah tatua.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

IḶUAIAN 29:28

Naadon in simpod in singog-Ku inta diá motaau baḷuian: Kon dodai in umat-Ku mamangoi moposumba in kuruban dodamean, dodob bo paa in biag tatua in nobaḻí silai in imang mita. Tuata in sosumba in umat-Ku kon i-Nakó.

AMSAL 7:14

“Singgai naa akuoi in musti moguboḻi kon dandiku, dá akuoi in noposumbadon in kuruban.

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

IMAMAT 1:10

Aka inta pinosumba tatua bo domba tobatú ande bembé, dá biag tatua musti koḷakian bo inta totok in mopia.

IMAMAT 1:3

Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

IMAMAT 17:5

Makusud in parenta tanaa in bá bangusa Israel modia mopoangoi kon Ḷoḷaigan i Tuhan in bayongan mahaḷuk inta baḻíon sosumba monia inta biasamai ratáan monia kon gobá. Mosia in mustibí modia kon sosumba monia tatua kon i imang kon tayowon ngara in Ḷoḷaigan i Tuhan bo ratáan kon tua mobaḻí kuruban dodamean.

IMAMAT 3:6

Aka inta pinosumba nobaḻí kuruban dodamean tua bo domba tobatú ande bembé, dá motaaubí in koḷakian ande kobaayan, táe inta totok in mopia.

IMAMAT 9:18

Bo iratánea domandon in sapi koḷakian tobatú bo domba koḷakian tobatú mobaḻí kuruban dodamean kon umat. Ki adí mita i Harun nobogoi in dugú in mahaḷuk tatua kon inia, bo sia in nopobutak kon sí opat in mezbah.

IMAMAT 9:4

Potabá in mosia moposumba doman in sapi koḷakian tobatú bo bembé koḷakian tobatú mobaḻí kuruban dodamean. Tua komintan in musti posumba monia kon i Tuhan poyotakinon in kuruban oḷudon inta pakéan in ḷana, sin kon singgai naa ki Tuhan mamangoi kon i monia.”

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

MALEAKHI 1:8

Aka moiko moposumba kon i-Nakó in biag inta bilog, inta notakit andeka inta noḻempeng, yo tua in noitaḷábí! Tungkuḷaika ogoi in biag natua kon i gubernur! Yo mopia degá in ginanea bo mopia degá in poaidnea kon i monimu?”

PINOGIAPAN 15:8

Aka inta pokuruban tatua sapi koḷakian tobatú sin baḻíon kuruban inta payongon andeka kuruban poguboḻi kon dandi andeka kuruban pondamean,

PINOGIAPAN 6:14

takin kodia-dia in bobiagon toḷu inta totok in mopia bo diaan mayá kon i Tuhan: domba koḷakian tobatú umur totaong in baḻíon kuruban payongon, adí in domba kobaayan tobatú inta umur totaong in baḻíon kuruban potobut kon dosa, bo domba koḷakian tobatú doman in baḻíon kuruban dodamean.

ULANGAN 12:27

Kuruban payongon bo kuruban inta tapúnea kaanon in musti posumba kon tudu in mezbah i Tuhan Allahmu bo dugúnea in popobutak kon tudu in mezbah tatua.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

HAKIM MITA 21:4

Nopoikoḷomai kon singgai, subupa totok, umat in Israel noposindogdon in mezbah kon tua, bodongka noposumba kon i Tuhan in kuruban payongon bo kuruban pondamean.