IMAMAT 27:9 - Alkitab Singog In Mongondow Masa In Tanaa

^9-10 Aka inta pinodandi tua bo mahaḷuk inta motaau kaanon inta motaau tarimaan mobaḻí sosumba kon i Tuhan, intau inta nodandi tatua in diábí motaau moponoḻiu in mahaḷuk ibanea, sin bayongan inta pinosumba kon i Tuhan mobaḻí kapunyaan i Tuhan. Aka toḻiuannea doman, mahaḷuk doyowa tatua tumpaḷadon mobaḻí kapunyaan i Tuhan.

IMAMAT 27:9 ပူးပေါင်းရင်းမြစ်များ

AMSAL 20:25

Raipa muna kopiraan kon dodai in diápa mopodandi in kuruban kon i Tuhan. Dika-dika bo momanasaḷ in iko in kon singgai moiduduimai.

MOHOHUTUBA 5:6

Ná doman togoindop inta mobayong diá in mangaḻenea, yo natua doman in mobayong in singog diá in mangaḻenea. Táe kotoguondokbí kon i Tuhan.

YEHEZKIEL 48:14

Tongákabí toyangow nongkon butá tatua diábí motaau potaḷui monia andeka poyoḻiuon; tonsilai inta totok in mopia nongkon butá in Israel diábí motaau in ogoi kon intau ibanea, sin butá tatua aindon pinonangoi kon i Tuhan bo nobaḻí kapunyaan-Nea.

IMAMAT 27:8

Aka intau inta ain nodandi tatua diá mokosanggup moguboḻi kon boḻi inta ain sinantú tua, dá sia musti modia kon intau inta ain pinosumba kon i Tuhan tua pobayá kon i imang. Ki imang musti monantú kon boḻi inta moona-onag podudui in komampuan intau tatua.

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

MATIUS 15:5

Táe moiko in moguman nanaa, ki ine inta moguman kon i amánea andeka kon i inánea: ‘Onu inta musti ogoiku pobantung kon i amá bo kon i iná, aindon inogoiku pinosumba kon i Allah,’