IMAMAT 27:32 - Alkitab Singog In Mongondow Masa In Tanaa

³² Tobatú nongkon biag mopuḷú tua in mobaḻí kapunyaan i Tuhan. Aka biag tatua iapon, dá pomuḷoi in biag inta noginpuḷú mobaḻí kapunyaan i Tuhan.

IMAMAT 27:32 ပူးပေါင်းရင်းမြစ်များ

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

YEREMIA 33:13

Kon kotá mita inta kon butá mita kon buḷud, kon sioḷan in buḷud, butá in Yohuda dotá in toḷatan, bo kon butá in Benyamin takin ḻipú mita kon diugmai in Yerusalem, bo kon kotá mita in Yohuda, gombala mita in mogiapbí bui kon domba mita monia. Akuoi, ki Tuhan, ain noguman.”

YEHEZKIEL 20:37

Motogatbí in pogogaid-Ku kon i monimu sinbá tumoḷutui kon dodandian-Ku.

IMAMAT 27:31

Aka intau tobatú moibog motobut kon tobotak nongkon bungai in boyó tatua, yo sia in musti moguboḻi kon boḻinea inta ain sinantú bo dugangan in doyowa nopuḷú noporsen.

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

PINOGIAPAN 18:21

Guman i Tuhan kon i Harun, “Bayongan sosumba mopuḷú noporsen in intau mita Israel ogoi-Ku kon intau mita in Lewi. Tuata in tonsilai monia mobaḻí toguḷopí in pinogaidan monia kon Ḷoḷaigan-Ku.