IMAMAT 27:3 - Alkitab Singog In Mongondow Masa In Tanaa

^3-7 podudui in boḻinea inta sinantú kon Ḷoḷaigan i Tuhan: – kon ḻimonik in umur onom nopuḷú notaong: aka ḷoḷaki mopuḷú bo ḻima in doit saḷaka bobay mopuḷú in doit saḷaka – kon sigad in umur doyowa nopuḷú notaong dapot in onom nopuḷú notaong: ḷoḷaki: ḻima nopuḷú in doit saḷaka bobay: toḷu nopuḷú in doit saḷaka – kon sigad in umur ḻima notaong dapot in doyowa nopuḷú notaong: ḷoḷaki: doyowa nopuḷú in doit saḷaka bobay: mopuḷú in doit saḷaka – umur ḻima notaong bo namonag: ḷoḷaki: ḻima in doit saḷaka bobay: toḷu in doit saḷaka

IMAMAT 27:3 ပူးပေါင်းရင်းမြစ်များ

DATU MITA 2 12:4

Kon singgai tobatú ki Yoas nogoiní kon imang mita bo pinoki tagúannea in doit inta nouḻí nongkon sosumba mita kon Baḷoi Tuhan, pinomayá doit inta pinoguboḻi kon pinopobogoian in kuruban, andeka doit inta sinantúbí inogoi takin ibog tontaní.

IḶUAIAN 30:13

Bayongan intau inta iapondon kon pogiapan tatua musti moguboḻi podudui in boḻi inta ain sinantú kon Ḷoḷaigan-Ku mobaḻí salehe inta tongá poyaput kon i-Nakó.

IḶUAIAN 38:24

Buḷawan inta pinosumba kon i Tuhan sin pogaid kon Ḷoḷaigan Motusi, kobogatnea komintan in 1.000 nokilo, sinimbang podudui in simbangan inta pinaké kon Ḷoḷaigan i Tuhan.

IMAMAT 27:14

Aka intau tobatú moposumba in baḷoinea kon i Tuhan, yo ki imang in musti monantú kon boḻinea podudui in kaadaan in baḷoi tatua. Boḻi inta ain sinantú tatua in diá bidon motaau baḷuian.

IMAMAT 27:25

Boḻinea komintan musti tantúon podudui in boḻi inta sinantú kon Ḷoḷaigan i Tuhan.

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

IMAMAT 6:6

Mobaḻí kuruban toḻiu in karugian, dá intau tatua musti moposumba in domba tobatú ande bembé koḷakian inta totok in mopia bo boḻinea in iapon podudui in pogogiap kon boḻi inta sinantú kon Ḷoḷaigan i Tuhan.

PINOGIAPAN 18:16

Adí mita musti tobuton kon dodai in mosia umurdon tobuḷan. Boḻinea inta ain sinantú kon tua in ḻima in doit saḷaka, podudui in boḻi inta pinaké kon Ḷoḷaigan-Ku.

PINOGIAPAN 3:47

Batúan in adí tobuton monimu in doit saḷaka ḻima podudui in boḻinea inta sinantú kon Ḷoḷaigan-Ku;