IMAMAT 27:27 - Alkitab Singog In Mongondow Masa In Tanaa

²⁷ Táe mahaḷuk haram inta muna pinogadí motaaubí tobuton podudui in boḻi inta sinantú kon Ḷoḷaigan i Tuhan, bo dugangan in doyowa nopuḷú noporsen. Aka diá tobuton in mahaḷuk tatua yo motaaubí in potaḷui kon intau ibanea podudui in boḻi inta ain sinantú kon Ḷoḷaigan i Tuhan.

IMAMAT 27:27 ပူးပေါင်းရင်းမြစ်များ

IMAMAT 27:11

Táe aka inta pinodandi tatua bo soaḷ mahaḷuk inta haram inta diá motaau tarimaan mobaḻí sosumba kon i Tuhan, intau inta nodandi musti modia kon mahaḷuk tatua kon i imang.

IMAMAT 27:13

Aka intau tatua moibog motobut kon biagnea, dá musti uboḻiannea bo dugangan doman in doyowa nopuḷú noporsen.

IMAMAT 27:15

Aka intau tatua moibog motobut kon baḷoinea, yo musti uboḻiannea in boḻinea tatua bo dugangan in doyowa nopuḷú noporsen.

IMAMAT 27:26

Biag inta muna pinogadí in mobaḻíbí kapunyaan i Tuhan, dá diábí motaau posumba mobaḻí kuruban ibog tontaní. Adí in sapi, adí in domba ande adí in bembé inta muna pinogadí in kapunyaanbí i Tuhan.

IMAMAT 27:28

Diá tobatúmai in motaau mopotaḷui ande motobut kon onu inta ain sinondínea takin diá in sarat kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi.

IMAMAT 27:31

Aka intau tobatú moibog motobut kon tobotak nongkon bungai in boyó tatua, yo sia in musti moguboḻi kon boḻinea inta ain sinantú bo dugangan in doyowa nopuḷú noporsen.

IMAMAT 5:16

Intau tatua musti moguboḻi kon onu inta koḻipod kinoḻiongannea, bo dugangan in doyowa nopuḷú noporsen. Onda intua sia in musti mobogoi in mahaḷuk tatua kon i imang, bo ki imang in mopokuruban intua mobaḻí tobutan in dosa intau tatua, dá intau tatua ampungandon i Tuhan.