IMAMAT 27:22 - Alkitab Singog In Mongondow Masa In Tanaa

²² Aka intau tobatú moposumba kon i Tuhan in gobánea inta sinaḷuinea,

IMAMAT 27:22 ပူးပေါင်းရင်းမြစ်များ

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

IMAMAT 25:25

Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

IMAMAT 27:14

Aka intau tobatú moposumba in baḷoinea kon i Tuhan, yo ki imang in musti monantú kon boḻinea podudui in kaadaan in baḷoi tatua. Boḻi inta ain sinantú tatua in diá bidon motaau baḷuian.

IMAMAT 27:21

Kon Taong popobuian moiduduimai, gobá tatua mobaḻídon kapunyaan i Tuhan mononoi, bo ogoidon kon imang mita.

IMAMAT 27:23

yo ki imang in musti monakuser kon boḻinea podudui in koonggot in taong modapot kon Taong Popobuian moiduduimai. Bo intau tatua musti moguboḻi kon boḻinea kon singgai doman tatua. Doit tatua mobaḻí kapunyaan i Tuhan.