IMAMAT 27:21 - Alkitab Singog In Mongondow Masa In Tanaa

²¹ Kon Taong popobuian moiduduimai, gobá tatua mobaḻídon kapunyaan i Tuhan mononoi, bo ogoidon kon imang mita.

IMAMAT 27:21 ပူးပေါင်းရင်းမြစ်များ

EZRA 10:8

Ki ine in diá mamangoi kon bonu in toḷu nosinggai, daiton gamáan in bayongan kapunyaannea bo sia in diá bidon inanggap agat in intau in Israel. Parenta tatua in sinekeng in itoi mita in rayat.

YEHEZKIEL 44:29

Mosia in mustibí mobiag nongkon sosumba gandum, kuruban potobut kon dosa, bo kuruban toḻiu in karugian; bo bayongan in yagi-yagi inta ain sinantú ogoi kon i-Nakó, in mustibí ogoi kon i monia.

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

IMAMAT 25:28

Táe aka sia diá mokotongod in motobut kon butánea, dá intau inta notaḷui umuranpabí oyúon in haknea kon butá tatua modapot kon Taong Popobuian inta moiduduimai. Kon bonu in taong tatua butá tatua musti pobuion kon i toginea inta muna.

IMAMAT 25:31

Aka baḷoi kon ḻipú inta sinondok doman in beton pakéon doman in atorang natua: kitoginea muna oyúon in hak motobut kon baḷoi tatua bo baḷoi tatua musti pobuion kon Taong Popobuian.

IMAMAT 27:20

Aka sia mopotaḷui in gobá tatua táe diá muna tobutonnea kon i Tuhan, yo diá bidon in haknea motobut kon gobánea.

IMAMAT 27:22

Aka intau tobatú moposumba kon i Tuhan in gobánea inta sinaḷuinea,

PINOGIAPAN 18:14

Bayongan in yagi-yagi kon butá in Israel inta ain pinotondí ogoi kon i-Nakó, yo tua in ogoi kon i monimu.

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.