IMAMAT 27:13 - Alkitab Singog In Mongondow Masa In Tanaa

¹³ Aka intau tatua moibog motobut kon biagnea, dá musti uboḻiannea bo dugangan doman in doyowa nopuḷú noporsen.

IMAMAT 27:13 ပူးပေါင်းရင်းမြစ်များ

IMAMAT 22:14

Aka intau tobatú inta deeman tombonu in motoḷuadí i imang bo takin diá sinumuod noikaan kon kaanon inta pinosumba kon i Tuhan, yo sia in musti mobogoi in toḻiunea kon i imang bo dugangan in doyowa nopuḷú noporsen.

IMAMAT 27:12

Ki imang in monantú kon boḻinea podudui in kaadaan in mahaḷuk tatua. Bo boḻi inta sinantú tua in diá bidon motaau baḷuian.

IMAMAT 27:14

Aka intau tobatú moposumba in baḷoinea kon i Tuhan, yo ki imang in musti monantú kon boḻinea podudui in kaadaan in baḷoi tatua. Boḻi inta ain sinantú tatua in diá bidon motaau baḷuian.

IMAMAT 27:15

Aka intau tatua moibog motobut kon baḷoinea, yo musti uboḻiannea in boḻinea tatua bo dugangan in doyowa nopuḷú noporsen.

IMAMAT 27:19

Aka intau inta noposumba in gobá tatua moibog motobut kon tua, yo musti uboḻiannea in tua takin dugangan in doyowa nopuḷú noporsen.

IMAMAT 27:27

Táe mahaḷuk haram inta muna pinogadí motaaubí tobuton podudui in boḻi inta sinantú kon Ḷoḷaigan i Tuhan, bo dugangan in doyowa nopuḷú noporsen. Aka diá tobuton in mahaḷuk tatua yo motaaubí in potaḷui kon intau ibanea podudui in boḻi inta ain sinantú kon Ḷoḷaigan i Tuhan.

IMAMAT 5:16

Intau tatua musti moguboḻi kon onu inta koḻipod kinoḻiongannea, bo dugangan in doyowa nopuḷú noporsen. Onda intua sia in musti mobogoi in mahaḷuk tatua kon i imang, bo ki imang in mopokuruban intua mobaḻí tobutan in dosa intau tatua, dá intau tatua ampungandon i Tuhan.