IMAMAT 26:9 - Alkitab Singog In Mongondow Masa In Tanaa

⁹ Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.

IMAMAT 26:9 ပူးပေါင်းရင်းမြစ်များ

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 17:20

Táe duduian-Ku doman in oigummu soaḷ ki Ismael. Tuamai sia in barakatan-Ku bo ogoian-Ku in buí inta mobarong. Sia in mobaḻíbí doman mogoguyang in mopoḷú bodoyowá doman itoi in suku, bo buínea in baḻíon-Ku doman tobatú bangusa inta moḷoben.

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 26:4

Akuoi in mobogoibí kon inimu in adí bo ompu inta kobayongnea in naonda bo tundi kon ḷangit, bo butá mita kon naa daiton-Kubí ogoi kon i monia. Bayongan in bangusa kon dunia naa in mopoigumbí kon i-Nakó sinbá Akuoi momarakat kon i monia naonda Akuoi ain nomarakat kon buímu.

KINOBAḺIAN 28:14

Buímu in nádon kobarong in ḷobud kon butá. Mosia in moginḷoben kon butá monia kon bayongan tampat, bo pongin inimu bo buímu, Akuoi in momarakat kon bayongan bangusa kon dunia.

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 48:4

Sia in noguman kon inakó nanaa, “Akuoi in mobogoi kon inimu in adí bo ompu inta mobarong, sinbá buímu mobaḻí bangusa inta mobarong; Akuoi in mobogoibí in butá tanaa kon buímu mobaḻí kapunyaan monia inta mononoi.”

KINOBAḺIAN 6:18

táe Akuoi in mogaid kon dodandian takinmu. Tuotdon kon bonu in kapaḷ tatua takin ki buḷoimu, ki adímu mita takin ki buḷoi monia mita.

DATU MITA IMITÁNEA 3:8

Akuoi naa in kon yua-yuak in bangusa inta ain piniḻí-Mu nobaḻí umat-Mu tontaní. Mosia tua in bangusa moḷoben tobatú inta diádon koiapan in kobayongnea.

DATU MITA 2 13:23

Táe notabi in ki Tuhan kon umat-Nea bo inampungan-Nea in mosia. Doíbí in Sia mopomayá mako yopúon táe sinuḷungan-Neabí in mosia, sin monorop kon dodandian-Nea takin i Abraham, i Ishak bo i Yakub. Dapot in tanaa diábí kon dodai in onda in koḻiongan-Nea in umat-Nea.

NEHEMIA 2:20

Akuoi in notubag, “Ki Allah inta nongawasa kon soroga in motuḷung kon inami moginḷapat kon oaidan tanaa. Kami naa in mogogundoi-Nea mita bo kami in momangkoidon moposindog. Táe moiko in diábí in hak andeka kapunyaan onuka in kon Yerusalem. Nodapot in aka intau mokoouman kon Yerusalem, tangoimu in diábí kotango-tangoian.”

NEHEMIA 9:23

Binaḻí-Mu in buí monia naonda bo kobayong in tundi mita kon ḷangit. Inogoian-Mu in mosia in butá sin pogutunan monia, butá inta ain pinodandi-Mu kon mogoguyangnea.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

MAZMUR 89:3

Sin kinotaauanku kon tabi-Mu in mononoi, kososatia-Mu in motorindog naonda bo ḷangit.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

IḶUAIAN 2:25

Inontong-Nea kon intau Israel tua sinonggata, dá sinimpod-Neadon kon tuḷungan-Neadon in mosia.

IḶUAIAN 6:4

Kinodongogan-Kudon in amui intau Israel inta sinonggata in intau in Mesir, bo kinotoropan-Kudon in dandi-Ku tatua.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

YEREMIA 23:4

Akuoi in moduíbí kon itoi sin momiag kon i monia. Umat-Ku in diá bidon moondok andeka mourot, diábí tobatúmai in nongkon i monia in mobuḻi. Akuoi, ki Tuhan, ain nosingog.”

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

YEHEZKIEL 16:62

Akuoi in mogaidbí kon dodandian mobagu takinmu. Dá kotaauanmudon kon Akuoibí in ki Tuhan.

YEHEZKIEL 36:9

Akuoi in kon dotámu ei Israel, bo tantúon-Kudon kon butámu in pasoḷan bidon bui bo amboran bui in pinomuḷa.

IMAMAT 26:15

Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

ULANGAN 28:11

Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.

ULANGAN 7:13

Sia in motabibí bo momarakat kon i monimu, dá adímu mobarong bo umuran doman kodugang-kodugang in kobarong monia. Sia in momarakatbí kon gobámu mita, dá mobarong in gandum, anggur bo ḷana in zaitun. Sia in momarakatbí kon i monimu dá mobarong in sapi bo bembé dombamu. Bayongan barakat tatua in tarimaanbí monimu kon butá inta inogoi i Tuhan kon inimu, podudui in dandi-Nea kon mogoguyangmu.

IBRANI 8:9

Deemanbí ná dodandian inta inaidan-Ku takin mogoguyang monia wakutu in mosia dinia-Ku iḷumuai nongkon butá in Mesir. Mosia in diá tantú dinumudui kon dodandian inta inaidan-Ku takin i monia; tuamai diádon pandungon-Ku in mosia.