IMAMAT 26:7 - Alkitab Singog In Mongondow Masa In Tanaa

⁷ Moiko mokomampubí in monaḷow kon musungmu mita;

IMAMAT 26:7 ပူးပေါင်းရင်းမြစ်များ

TAWARIKH 1 19:15

Naonda inontong in intau in Amon kon tontara in Siria noḷaguidon, noḷagui domandon in mosia kon i Abisai bo inumundok minayá in kotá. Nopaḷut mako nomarang kon intau in Amon, Ki Yoab nobui kon Yerusalem.

ESTER 9:16

Intau mita in Yahudi inta nogutun kon propinsi mita in noyosipundon bo moḷawang kon musung monia. Mosia in nonaḷow kon musungnea bo nokoḻimod kon 75.000 in intau inta moyaat in gina kon i monia. Táe mosia in diábí nogagow.

MAZMUR 81:15

dá ḷagi-Kudon pokuyungon in musung monia, bo monaḷow kon bayongan in ḷawang monia.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

IMAMAT 26:8

intau ḻima nongkon imonimu mokotaḷowbí kon intau mogatut, bo aka intau mogatut monimu yo mokotaḷowdon kon intau mopuḷú noribu.

ULANGAN 28:7

Aka moiko tubuon, ki Tuhan in monaḷow kon musungmu. Motompia in pononubú monia, táe moḷaguibí posibayá.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.

YOSUA 23:10

Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.

HAKIM MITA 15:15

Onda intua nokouḻí in sia kon tuḷan ayoi in keledai inta nobagupa. Pinuyutnea in tuḷan tatua, bo pinakénea noḻimod kon intau 1.000 in kobayongnea.

HAKIM MITA 4:16

Ki Barak nogaḷow kon kereta mita in parang bo tontara mita in musung tatua nodapot kon Haroset-Hagoyim bo bayongan in tontara i Sisera tatua iḻimodnea; diá tobatúmai in pinomayánea mako nobiag.

HAKIM MITA 7:23

Dá suku i Naptali, i Asyer, bo suku i Manasye, pinomayá inta kon dotá in pomukaan andeka inta kon dotá in toyopan kon Ongkag in Yordan inoiní doman. Bo mosia nondudur kon tontara in intau in Midian.

SAMUEL 1 14:13

Kotaki-takin in tayowmobiag tatua in ki Yonatan kinumuá in notakod. Naonda in ki Yonatan noitukat, mongoobatdon in intau mita in Pilistin in bongkugonnea, bo nongkon tumi, tayowmobiag tatua in moḻimod kon i monia.