IMAMAT 26:6 - Alkitab Singog In Mongondow Masa In Tanaa

⁶ Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

IMAMAT 26:6 ပူးပေါင်းရင်းမြစ်များ

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

TAWARIKH 1 22:9

Umpaka natua, nodandi in Sia kon inakó nanaa: ‘Iko in mokouḻíbí kon adí ḷoḷaki tobatú inta momarenta takin mobiag motompia sin Akuoi in motuḷung kon inia dá diá in musung in monubu kon inia. Sia in tangoian ki Salomo sin kon bonu in sia in momarenta, Akuoi in mobogoibí in kobiagan motompia bo moaman kon bayongan in Israel.

TAWARIKH 2 20:30

Tuamai in ki Yosapat nomarenta takin pia, bo ki Tuhan in nobogoi kon inia in kaadaan dame kon bayongan in butá.

AYUB 11:19

Iko in diá bidon moondok kon musung; mobayong in intau in mopoigum in totuḷung kon inimu.

AYUB 5:23

Gobá tudunea inta pinajekomu in diábí in batunea; biag kaḻig in diábí mogaḷow kon inimu.

MAZMUR 144:14

Igumon mako in sapi mita naton modugang mobayong bo diá in mobuḻi andeka koukaian. Igumon mako in diá kodongogan in amui roriga kon daḷan mita kon kotá naton.

MAZMUR 147:14

Sia in noḷukad kon butámu sinbá umuran moaman, bo mopokaan in gandum inta totok in mopia kon inimu modapot in mobotug.

MAZMUR 29:11

Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

MAZMUR 3:5

Akuoi in nokuani kon i Tuhan; bo nongkon buḷud-Nea inta motusi Sia in notubag kon inakó.

MAZMUR 4:8

Binaḻí-Mu in gina-Ku nodugang noḷunganga noiḻiu kon ḷunganga in intau inta nokouḻí kon bungai in boyó mobarong.

MAZMUR 85:8

Poontongdon kon Iko in tantúbí monotabi, o Tuhan, ogoiaidon in kami in kasaḷamatan nongkon ini-Mu.

IḶUAIAN 23:29

Mosia komintan in diábí untunon-Ku tongá kon bonu in totaong, sinbá butá tatua diá moibiar mako natua, bo mahaḷuk mokokaan kon intau diádon mongawasa kon tua.

AMSAL 3:24

Iko in mayá mosiug takin diá moondo-ondok, bo moḷoḷotbí in iko kinoouput in doḷom.

AMSAL 6:22

Totundú mita monia in mokapit kon inimu kon binayáan, moḷukad kon inimu kon tungkuḷ in doḷom, bo mobogoi in topotundú kon inimu kon tungkuḷ in iko mobangon.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 35:9

Kon tampat tatua in diábí in singa, andeka mahaḷuk moraat ibanea. Intau mita inta pinosaḷamat i Tuhan in mayá mongintua.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEREMIA 31:26

Kon dodai intuata intau in mogumandon, ‘Naonda in nosiug noḷoḷot, mopiadon in korasaanku.’

YEHEZKIEL 14:15

Dika-dika poangoi-Ku in mahaḷuk moraat sin modomok kon intau mita kon butá tatua, dá butá tatua in totokdon in mokoanib bo diádon tobatúmai in intau in mokobaḻí tumaḻib kon tua.

YEHEZKIEL 14:17

Dika-dika popoangoi-Ku in parang kon butá tatua, bo popoangoi-Ku in ḷoḷutam mita inta motoyang sin moyopú kon intau bo mahaḷuk.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 34:25

Akuoi in momiabí kon dodandian takin i monia, inta noḷukad kon kobiagan monia. Untunon-Kubí in bayongan mahaḷuk moraat nongkon sinangkub in butá, dá domba-Ku mita in mogutun moodom kon rawang mita bo mosiug kon kayuon mita.

YEHEZKIEL 34:27

Pangkoi mita in kayu in momungaidon, pinomuḷa mita kon gobá in mobogoidon in bungainea, bo bayongan in intau in mogutunbí moodom kon butánea tontaní. Aka rante pinotogot kon umat-Ku bo botowandon bo mosia in poḷuaton-Kudon nongkon intau mita inta nononggata kon i monia, dá kotaauandon monia kon Akuoibí in ki Tuhan.

YEHEZKIEL 5:17

Koḻikud in malarat in gogoy yo popoangoi-Kubí doman in yampoi in takit, aid moromú bo parang sin moḻimod kon intaumu, bo mahaḷuk mita inta mokokaan kon intau sin moḻimod kon i adí mita monia. Akuoi, ki Tuhan, ain nosingog.”

HOSEA 2:18

Kon dodai intua Akuoi in momia kon dodandian takin bayongan in mahaḷuk sinbá mosia in dika monuyayow kon umat-Ku. Akuoi mopogogaibí in bayongan parang bo moposí in pakakat mita in parang nongkon butá in umat-Ku tatua, bo momaḻí kon i monia mobiag motompia bo moaman.

HOSEA 2:20

Podudui in dandi-Ku, iko in tonibuḷoion-Kubí. Akuonmubí in Akuoi mobaḻí Tuhanmu tontaní.

IMAMAT 25:18

Duduiaidon in bayongan hukum bo parenta i Tuhan, sinbá moonow in kobobiagmu kon butá tatua.

IMAMAT 25:19

Butá tatua in mobogoi in boyónea modapot in oyúon kaanon monimu inta tugat kon i monimu bo mogutun kon tua takin mobiag motompia.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

IMAMAT 26:7

Moiko mokomampubí in monaḷow kon musungmu mita;

MIKHA 4:4

Pomuḷoi in intau in mobiag bidon moaman bo motomoman kon yuak in gobá in anggur bo gobá in aranea; diá bidon in mopogogondokmai kon inia, tuata in dandi i Tuhan Inta Totok in mokawasa.

ZEPANYA 3:13

Intau in Israel inta kiagatnea, diá bidon mogaid bui kon inta moraat kon i inekabí; mosia in diá bidon monguboḷ bui bo diá bidon bui mongakaḷ. Mosia in mobiag bidon motomoman bo motompia, bo diá bidon angoian in ondok kon i inekadon.”

HAGAI 2:9

Baḷoi-Ku inta mobagu in mogagabí nongkon inta muna, bo kon naa Akuoi in mobogoi in kobiagan moodom bo kotomoman kon bangusa-Ku.” Ki Tuhan Inta Totok in mokawasa ain nosingog.

ZAKHARIA 9:10

Ki Tuhan in noguman, “Kereta mita in parang nongkon Epraim in ḷumbúon-Kubí, bayongan in kabaḷo kon Yerusalem in yopúon-Kubí bo bayongan in piot in tokorimumudon-Kubí. Datumu in mopotaaubí in dodamean kon sigad in bangusa mita. Nongkon dagat mopobayá in dagat siabí in mongawasa, nongkon Ongkag in Eprat nodapot in popod in dunia.”

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

OUMAN IN RASUL MITA 12:6

Doḷom wakutu in diápa dinia i Herodes in sia kon tayowon intau moantó, ki Petrus in sinokig in rante bo pinoposiug kon sigad in tontara doyowa inta moḷukadmai kon inia. Bo ḷoḻingkop in ponjara tatua iḷukadan doman in tontara mita ibanea.

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.