IMAMAT 26:4 - Alkitab Singog In Mongondow Masa In Tanaa

⁴ yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

IMAMAT 26:4 ပူးပေါင်းရင်းမြစ်များ

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

MAZMUR 104:13

Nongkon ḷangit pinoonag-Mu in uyan kon buḷud, butá nopuḻing in aid in ḻima-Mu.

MAZMUR 67:6

Igumon mako bangusa mita in modayow kon ini-Mu, o Tuhan, igumon mako bayongan in bangusa mopoyaput in sukur kon ini-Mu.

MAZMUR 67:7

Butá ain nobogoi in bungainea, Allah, Allah naton ain nomarakat kon inaton.

MAZMUR 68:9

butá nodandú, uyan noḷabú kon tayowon-Mu, sin kinoangoian i Allah in Sinai, Ki Allah in Israel.

MAZMUR 85:12

Kososatia in intau in mobiagbí nongkon butá, bo kooadil i Tuhan in moḷongowbí monag nongkon ḷangit.

MAZMUR 85:13

Ki Tuhan in mobogoi kon inta mopia, dá butá naton in mobogoibí in bungainea.

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEHEZKIEL 36:30

Dugangan-Kubí in kotoḷubú in pangkoi mita in ayopmu bo bungai mita in pinomuḷa kon gobámu, dá moiko in diádon kon dodai in onda moiyitak kon malarat in kaanon inta mokoraat kon tangoimu kon sigad in bangusa mita.

YOËL 2:22

Ei mahaḷuk mita, dikadon moḻia-ḻiaw in gina. Rawang mita in bonok tanaa in iḷumunowdon. Pangkoi mita in kayu modatog in bungainea, bungai mita in anggur bo ara mobarongdon totok.

IMAMAT 25:19

Butá tatua in mobogoi in boyónea modapot in oyúon kaanon monimu inta tugat kon i monimu bo mogutun kon tua takin mobiag motompia.

IMAMAT 25:21

Kon bonu in taong noginggonom ki Tuhan momarakat kon butámu sinbá boyónea tugat pakéon dapot in toḷu notaong.

ZAKHARIA 8:12

Mosia in moponimboibí in bibit takin dame. Pangkoi mita in anggur monia in momungaibí, butá in mopoḷuaibí in bungainea, bo uyan in umuranbí morogot. Bayongan in barakat tatua in ogoi-Kubí kon bangusa mita inta nobiagpa nongkon bangusa tanaa.

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

ULANGAN 11:13

Dá duduiaidon in parenta mita inta pinotaauku kon inimu singgai in naa; kotabibí in ki Tuhan Allahmu bo poibadadon kon i-Nia takin ḻimbatú in gina bo ropotmu.

ULANGAN 11:14

Aka natua in aidan monimu, dá poonag i Tuhan in uyan kon butámu kon wakutunea, mopaḷut mako in moiko mosipun kon bungai in boyó, bo kon dodai in moiko momangkoidon momunak. Dá moiko in diádon kodaitan in gandum, anggur bo ḷana in zaitun,

ULANGAN 28:12

Ki Tuhan in mopoangoibí in uyan kon wakutunea nongkon tampat pinotagúan-Nea inta mobayong totok kon ḷangit. Sia in momarakatbí kon bayongan totayakmu, dá moiko in motaaudon mopoḷuan kon mobayong in bangusa, táe moiko tontaní in diá bidon paraḷu moḷuan.

YAKOBUS 5:7

Tuamai, posabardon utatku mita, dapot in ki Tuhan mamangoi. Indoiaidon naonda in kososabar in intau monononggobá in mogoḷat modapot in butánea mobogoi in hasil inta mobogoi in kauntungan kon inia. Umuran mosabar in sia in mogoḷat kon uyan kon sempo in kototakan bo uyan sempo in pononobur.

WAHYU 11:6

Oyúon in kawasa monia mogoḻingoi kon ḷangit sinbá diápa monguyan kon dodai in mosia mopotaau in Habar nongkon i Allah. Mosia inogoian doman in kawasa mongawasa kon bayongan bokaká sinbá mosia in motaau momaḷui kon tubig mobaḻí dugú; bo oyúon doman in kawasa monia mosambok kon butá naa takin mopoḷabú in bayongan inta mokororiga, toonukabí in koibog monia.