IMAMAT 26:36 - Alkitab Singog In Mongondow Masa In Tanaa

³⁶ Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

IMAMAT 26:36 ပူးပေါင်းရင်းမြစ်များ

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

KINOBAḺIAN 4:12

Aka iko monompinomuḷa, butá in diábí mopoḷuai bungai in boyó. Iko in mobaḻídon intau inta tongá tantú maya-mayá mako, diá motantú kon tampat bo diá in pogutunan kon dunia naa.”

AYUB 13:25

Akuoi naa in tongábí daun inta nototak inirup in tompot noitaḻib, yo umpaka dá pinourot-Mu in ondok in akuoi! Akuoi naa in tongábí wawa inta noingkag bo noḷaḷow, umpaka dá aḷo-aḷowan-Mu mako in akuoi!

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

MAZMUR 89:43

Pinountung-Mu in musungnea mita, bo bayongan in ḷawang pinoḷunganga in ginanea.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

YEREMIA 37:10

Aka kuma bo moiko in mokotaḷow kon bayongan in tontara in Babel modapot in inta kinotaḷáan in dongkadon intau mita inta kinekeban modaḷom kon bonu in ḷoḷaigan monia, táe mosia in mobangonbí bo monurub modapot in mopayong in kotá tanaa.’ ”

YEREMIA 46:16

Nobayong in tontaramu in noipintud bo noibanting. Mosia in nosigumanan, ‘igai mobui kon bangusa naton tontaní sinbá kita in kotaḻiban in anib in pitow in musung.’

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 1:6

Kinoḷoḷoben in Yerusalem in dongkadon nobaḻí ouman. Itoinea mita in nobaḻídon noyangkó naonda bo rusa inta totok in ginogoi. Mosia in diádon mokopongonu kon musung inta nondudur.

OMBAḶ 4:19

Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

YEHEZKIEL 21:12

Ei intau ilo-ilow, pogamuidon bo pomaḷú! Sin kedang tatua in nosadiadon monayow kon umat-Ku. Itoi mita in Israel takin bayongan in bangusa tumbukonbí in kedang tatua modapot in matoi. Dá tokapdon in dodobmu takin robonoḷ,

YEHEZKIEL 21:15

Binaḻínea in bangusa-Ku noinggamá in baraninea bo noḷabú noipintud. Inindoyó-Ku in kedang in kotá tatua inta mopouḻi-uḻinag naonda bo kilat, bo nosadiadon moḻimod.

YEHEZKIEL 21:7

Aka ḻibóon monia mongo nongonu sin mogamuibí in iko, yo pogumandon kon morobonoḷ in ginamu popisí in habar inta moiduduimai. Habar tatua in mokoondok kon gina monia, moḷungkoyó in ḻima monia, duḷud monia mourot, modaitdon in ibog monia mobiag. Totuu kon wakutunea in moiangoidon, bo tua mita in mobaḻíbí. Akuoi ki Tuhan Inta Totok in moḷantud ain nosingog.”

HOSEA 8:3

táe diábí tarimaan monia onu inta mopia. Tuamai mosia in duduranbí in musung mita monia.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

ULANGAN 1:44

Bo intau in Amori inta nogutun kon buḷud tatua iḻumuai bo nomarang kon i monimu. Nobarong totok in mosia, naonda bo paanan in pasukan. Mosia nondudur kon i monimu nodapot in Horma, bo sinaḷow monia in moiko kon buḷud in Edom.

YOSUA 5:1

Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.

YOSUA 7:5

Intau mita in Ai nondudur kon i monia nongkon ngara in kotá in Ai nodapot kon butá pongongaḻian kon buḷawan, bo noḻimod kon degá toḷu nopuḷú bo onom in intau kon sigad monia kon oyukmai in buḷud. Dá intau mita in Israel inangoiandon in ḻia-ḻiaw in gina bo ondok.

SAMUEL 1 17:24

Naonda in intau in Israel nokoontong kon i Goliat, mosia noḷagui takin ondok.