IMAMAT 26:33 - Alkitab Singog In Mongondow Masa In Tanaa

³³ Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

IMAMAT 26:33 ပူးပေါင်းရင်းမြစ်များ

DATU MITA IMITÁNEA 8:46

Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug,

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

TAWARIKH 2 7:19

Táe aka iko bo rayatmu in ḻimimpat kon hukum mita bo parenta-Ku mita bo poḷat mosumba kon ilah mita ibanea,

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

NEHEMIA 1:8

Oo Tuhan, toropdon in tosingogon-Mu mita inta siningog i Musa pinodoyon kon parenta-Mu, kon aka kami, umat in Israel, diá mosatia kon ini-Mu, kami in porariton-Mu kon sigad in bangusa mita ibanea.

ESTER 3:8

Bo ki Haman in noguman kon i datu, “Tuang, oyúon in bangusa tobatú inta mokoherang inta noibaya-bayá mako kon batúan in propinsi in dodatuan tanaa. Adat kabiasaannea in noyoposibí totok in bangusa mita ibanea. Mosia in doíbí dinumudui kon hukum mita in dodatuan. Dá, maníka ki Tuang in dikadon mopomayá mako in mosia mogaid kon onuka in kinoibog monia.

MAZMUR 106:27

Buí monia in ḷumbúon-Neabí kon sigad in bangusa mita bo porariton kon butá mita in intau.

MAZMUR 44:11

Pinomayá-Mu mako in kami in moḷagui kon musung nami, bo mosia in nogagow kon kapunyaan nami.

MAZMUR 44:12

Pinomayá-Mu mako in kami in sinotad naonda bo domba, bo pinorarit-Mu in kami kon yua-yuak in bangusa mita.

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 13:24

Akuoi in moporaritbí kon i monimu naonda bo baḻeká inirup in tompot nongkon padang gurun.

YEREMIA 15:4

Baḻíon-Ku in bayongan bangusa kon dunia mokoningkim in mokoontong kon i monia. Tua komintan aidan-Ku popisí in aid in Manasye ki adí ḷoḷaki i Hizkia kon Yerusalem kon tungkuḷ in sia nobaḻí datu in Yohuda.”

YEREMIA 31:10

Ki Tuhan in noguman, “Indongogai ei bangusa mita! Potaaudon in koyow-Ku modapot kon ḷoḷan in dagat Umat-Ku inta ain pinorarit-Ku in sipunon-Kubí bo biagon naonda bo gombala moḷukad kon dombanea.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 7:34

Butá tanaa in mobaḻídon rawang inta noḷogat. Tosingogon pia in gina bo tosingogon in rame ponikaan in pogogaion-Kudon kon kotá mita in Yohuda bo kon daḷan mita in Yerusalem.

YEREMIA 8:3

Dá intau mita inta nobiagpa nongkon bangusa inta moraat tanaa inta ain pinorarit-Ku kon bayongan tampat in moibo-ibogdon matoi dika in mobiag. Akuoi, ki Tuhan Inta Totok in mokawasa, ain nosingog.”

YEREMIA 9:16

Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

OMBAḶ 4:16

Ki Tuhan in diá bidon noindoimai kon umat-Nea; Siabí tontaní in noporarit kon i monia bo binaḻí-Nea in imang mita diádon ihoromat; itoi mita diábí in nonotabi.

YEHEZKIEL 12:20

Kotá mita inta tanaa nopuḻing in intau in rimumudon bo gobá mita in tudunea in mobaḻídon ḷogat. Dá kotaauandon monia kon Akuoibí in ki Tuhan.”

YEHEZKIEL 20:23

Kon rawang in bungaion doman tatua nongibot in Akuoi kon porariton-Kubí in mosia kon sinangkub in dunia,

YEHEZKIEL 22:15

Porariton-Kubí in intaumu mita kon sinangkub in butá bo bangusa, bo popogogaion-Kubí in aidmu inta moraat tua.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.