IMAMAT 26:31 - Alkitab Singog In Mongondow Masa In Tanaa

³¹ kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

IMAMAT 26:31 ပူးပေါင်းရင်းမြစ်များ

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

DATU MITA 2 22:19

nomanasaḷ in iko bo inumompá kon tayowon-Ku. Ginogondok-Kudon kon mohukum kon Yerusalem bo intaunea mita. Aidan-Ku kon kotá tatua in oontongon inta mokoondok, bo tangoi in Yerusalem in baḻíon-Ku tangoi kutukon. Táe naonda in kinodongoganmu in gogondok-Ku tatua, nongombaḷ in iko bo nomerak kon ḷambungmu nobaḻí tomponuot kon morobonoḷ in ginamu. Dinongog-Kudon in sambayangmu,

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

NEHEMIA 2:17

Táe onda intua noguman in akuoi kon i monia, “Indoiai in kaadaan naton inta moyoyiga tanaa! Yerusalem in dongkadon utag mita bo bonawangnea mita in kinaandon komintan in tuḷú. Koḻigai bá posindogondon bui naton in dinding mita in kotá in Yerusalem sinbá diádon in kita poonagonmai.”

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YESAYA 63:18

Nongonu sin pinomayá-Mubí mako in musung moritak magí mako kon Baḷoi-Mu, bo intau mita moporaa-raatmai kon tombuḷud-Mu inta motusi?

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

YEREMIA 22:5

Táe aka moiko bo diá dumudui kon parenta-Ku mita, dá ibotan-Ku kon komaḻig tanaa in mobaḻíbí apug. Akuoi, ki Tuhan, ain nosingog.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 26:9

Mokobaḻíbí totok in iko in moguman podoyon kon tangoi Tuhan kon Baḷoi-Nea naa in mobaḻí naonda bo Silo, bo kotá tanaa in yompaton bo mobaḻí tampat inta diádon utunan.” Bo akuoi in iḻipung in intau mobayong.

YEREMIA 4:26

Butá moḷumbá in nobaḻídon rawang noingkag, kotá mita in norimumud nobaḻídon rumbunnea, popisí in ki Tuhan in sinumorúdon totok kon umat-Nea. (

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 44:2

Naa in koyow i Tuhan Inta Totok in mokawasa, Allah in Israel, kon i monia, “Moiko tontaní ain nokoontong kon bodito inta pinopouma-Ku kon Yerusalem bo bayongan in kotá ibanea kon Yohuda. Nodapot in tanaa mako kotá mita tatua in umuranpabí norimumud bo diá in nogutun.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

OMBAḶ 2:7

Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

YEHEZKIEL 12:20

Kotá mita inta tanaa nopuḻing in intau in rimumudon bo gobá mita in tudunea in mobaḻídon ḷogat. Dá kotaauandon monia kon Akuoibí in ki Tuhan.”

YEHEZKIEL 21:15

Binaḻínea in bangusa-Ku noinggamá in baraninea bo noḷabú noipintud. Inindoyó-Ku in kedang in kotá tatua inta mopouḻi-uḻinag naonda bo kilat, bo nosadiadon moḻimod.

YEHEZKIEL 21:7

Aka ḻibóon monia mongo nongonu sin mogamuibí in iko, yo pogumandon kon morobonoḷ in ginamu popisí in habar inta moiduduimai. Habar tatua in mokoondok kon gina monia, moḷungkoyó in ḻima monia, duḷud monia mourot, modaitdon in ibog monia mobiag. Totuu kon wakutunea in moiangoidon, bo tua mita in mobaḻíbí. Akuoi ki Tuhan Inta Totok in moḷantud ain nosingog.”

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 6:6

Bayongan in kotá in Israel in yompatonbí, bayongan in mezbah bo berhalanea in morimumud posirarit, pototubáan kon kamania in morimumudon magí-mako, bo bayongan onu inta inaidan monia in moinggamábí.

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

DANIEL 2:46

Bo dinumokódon in ki Datu Nebukadnezar kon tayowon i Daniel bo nobogoi in parenta sinbá ki Daniel in horomaton bo sia in ogoian in kuruban payongon takin sosumba mita ibanea.

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

OUMAN IN RASUL MITA 6:14

Dinongog nami tontaní in sia in nosingog nanaa, Ki Yesus intau in Nazaret tua in mogumpag kon tampat tanaa bo momaḷui kon bayongan in adat inta inogoi i Musa kon i naton!”

IBRANI 10:26

Sin aka habar inta mobanar nongkon i Allah ain pinotaau kon i naton, táe umuranpa doman tumuod in kita in mogaid kon dosa, dá diá bidon in kuruban inta pomopat kon dosa naton.