IMAMAT 26:25 - Alkitab Singog In Mongondow Masa In Tanaa

²⁵ Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

IMAMAT 26:25 ပူးပေါင်းရင်းမြစ်များ

SAMUEL 2 24:15

Dá ki Tuhan in nopoangoidon in takit kon intau in Israel nongkon doḷo-doḷom nodapot kon wakutu inta ain sinantú-Nea. Kon bayongan in Israel in 70.000 in intau minatoi.

DATU MITA IMITÁNEA 8:33

Aka umat-Mu Israel taḷowon in musung-Nea mita popisí in mosia nomia kon dosa, bo mosia in nobuidon mangoi kon ini-Mu bo mohoromat kon ini-Mu saḷaku Tuhan, onda intua mamangoi kon baḷoi pososambayangan tanaa poḷat mosambayang mopoigum in ampung kon ini-Mu,

DATU MITA IMITÁNEA 8:37

Aka butá tanaa koantugan in malarat in gogoy ande kotugatan in yampoi, bo pinomuḷa mita poguyaaton in tompot bo patú in singgai, mahaḷuk andeka pangkoḷá, andeka aka umat-Mu tubuon in musung, andeka kotugatan in takit,

DATU MITA 2 17:3

Sia in sinubu bo pinotungkud i Salmaneser datu in Asyur, dá muḷoi in taong musti in sia moguboḻi kon iba kon inia.

TAWARIKH 2 24:24

Tontara in Siria in tongábí topiḻik, táe pinomayádon mako i Tuhan in mosia nonaḷow kon tontara in Yohuda inta mobaro-barong tua, sin intau in Yohuda diá mopandungmai kon i Tuhan Allah in mogoguyang monia. Natua in pinohohukum i Tuhan kon i Datu Yoas.

MAZMUR 94:1

O Allah, Ikobí in ki Allah inta motuḻí, poontongdon in tontuḻí-Mu, o Tuhan.

IḶUAIAN 5:3

Ki Musa bo ki Harun in noguman, “Ki Allah intau Ibrani ain nokipogontong kon inami. Ogoiaipa in kasampatan in kami mayá in padang gurun inta koyayúnea in toḷu nosinggai in bayáan sinbá motaau moposumba in kuruban kon i Tuhan, ki Allah nami. Aka kami diá mogaid kon tua, yo kami in ḻimodon-Nea in takit ande parang.”

YESAYA 1:20

Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

YESAYA 65:12

Moiko komintan in matoibí mita mobaḻí kuruban in aid moraat. Sin, kon dodai in Akuoi nogoiní, moiko in doíbí sinumubag, bo kon dodai in Akuoi nosingog, moiko in doíbí nokidongog. Moiko in moibo-ibogbí moḷawang kon i-Nakó bo mogaid kon inta moraat.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 24:10

Akuoi in mopoangoibí kon i monia in parang, gogoy, bo yampoi in takit dá mosia komintan in matoi bo diá in kotaḷáan kon butá tanaa inta ain inogoi-Ku kon i monia bo kon mogoguyang monia.”

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

YEREMIA 9:16

Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”

OMBAḶ 2:21

Moguyang bo moguod minatoi noitongkob kon daḷan, tayowmobiag bo mongodeaga minatoi sinotad. Kon singgai Iko sinumorú, iratá-Mu in mosia takin diá in tabi.

YEHEZKIEL 14:17

Dika-dika popoangoi-Ku in parang kon butá tatua, bo popoangoi-Ku in ḷoḷutam mita inta motoyang sin moyopú kon intau bo mahaḷuk.

YEHEZKIEL 20:37

Motogatbí in pogogaid-Ku kon i monimu sinbá tumoḷutui kon dodandian-Ku.

YEHEZKIEL 29:8

Tuamai Akuoi, ki Tuhan Inta Totok in moḷantud, noguman kon inimu, kon Akuoi in mopotabá mangoi in tontara inta monubu kon inimu momaké in kedang, bo ḻimod kon intau takin bobiagonmu.

YEHEZKIEL 33:2

“Ei intau ilo-ilow, pogumandon kon bangusamu kon aka Akuoi in mopoangoidon in parang kon ḻipú tobatú, naa in inta mobaḻí. Intau mita inta nogutun kon butá tatua in momiḻíbí kon intau tobatú kon sigad monia mobaḻí moḷoḷukad.

YEHEZKIEL 5:17

Koḻikud in malarat in gogoy yo popoangoi-Kubí doman in yampoi in takit, aid moromú bo parang sin moḻimod kon intaumu, bo mahaḷuk mita inta mokokaan kon intau sin moḻimod kon i adí mita monia. Akuoi, ki Tuhan, ain nosingog.”

YEHEZKIEL 6:3

Pokiindongogaidon in mosia bo pokitaridiai kon onu in poguman-Ku, ki Tuhan Inta Totok in moḷantud kon buḷud mita tatua, bo kon tombuḷud doman mita, kon irang mita bo kon ḷopá mita. Totuu, Akuoi in mopoangoibí in kedang sin morimumud kon pososumbaan kon berhala.

HOSEA 11:6

Parang in tumagabbí modapot kon bonu in kotá mita monia, bonawang mita in poguyaatonbí, bo umat-Ku in yopúon. Tua in mobaḻí popisí in mosia dinumudui kon ibognea tontaní,

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

HABAKUK 3:5

Pinotabá-Mu in panyaki minayá inumuna kon ini-Mu bo popatoi in dumuduianmai kon tumi-Mu.

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

PINOGIAPAN 16:49

Kobayong in intau inta minatoi tungkuḷ intua in 14.700, diápabí pinoyoiap in intau mita inta minatoi kon dodai in pinomarontakan i Korah.

PINOGIAPAN 31:3

Dá ki Musa noguman kon bangusa in Israel, “Posadiadon sin moparang; moiko musti monubu kon intau in Midian sin mopouma in hukuman i Tuhan kon i monia.

LUKAS 21:11

Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

ULANGAN 28:21

Bayongan in takit moiuma kon i monimu, modapot in buitnea diádon tobatúmai in intau nongkon i monimu in mogutunpa kon butá inta iḻitúan monimu tatua.

ULANGAN 32:25

Parang in modia kon kopopatoi kon daḷan mita; mokoondok in moiuma kon intau mita kon baḷoi. Tayow mobiag bo mongodeaga mita batánea in tokoyopúon, bo adí doman mointok bo intau inta nogoguyangdon.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

ULANGAN 32:41

Akuoi in mogatábí kon kedang-Ku inta mopouḻi-uḻinag, bo mopobayá in hukuman. Tuḻían-Ku in bayongan musung-Ku bo hukumon-Ku in bayongan inta doí kon i-Nakó.

HAKIM MITA 15:11

Nokodongogmai kon tua, minayádon in 3.000 intau in Yohuda kon angob kon buḷud batu kon Etam. Kon tua mosia noguman, “Simson, degá diábí kinotaauan monimu kon intau in Pilistin ain nongawasa kon inami? Onubí degá in pomiaanmu kon inami?” Ki Simson in notubag, “Akuoi in tongábí motuḻí kon onu inta ain pinomia monia kon inakó.”