IMAMAT 26:22 - Alkitab Singog In Mongondow Masa In Tanaa

²² Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

IMAMAT 26:22 ပူးပေါင်းရင်းမြစ်များ

DATU MITA 2 17:25

Kon tungkuḷ in mosia momangkoidon mogutun kon tua diábí in mosia mohoromat kon i Tuhan; tuamai in ki Tuhan nopoangoi in singa mita sin modomok kon tongosilai in intau nongkon i monia.

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

TAWARIKH 2 15:5

Kon tungkuḷ intua intau diábí motaau in mayá takin pia-pia mako sin kon bayongan in butá oyúon in ropatoi moḷoben.

YESAYA 24:6

Tuamai in ki Tuhan ain nongutuk kon butá bo nohukum kon intaunea popisí in aid monia. Mosia in pinokak bo tongá topiḻik in nongkon i monia in nosaḷamat.

YESAYA 33:8

Daḷan mita moḷoben totok in mokoanib dá mobaḻídon moingongow; Diádon in intau in mongintua. Dodandian in sinaḷáan bo yopakat in diá sinarima. Diádon in pinandungmai.

YEREMIA 15:3

Akuoi, ki Tuhan, ain nonantú kon hukuman opat norupa inta mokoondok in mobaḻíbí kon i monia: mosia in matoi kon poparangan, mayat monia in uguton in ungkú, kaanon in ḷagapan, bo indaitan in mahaḷuk turá.

YEREMIA 42:2

kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

YEHEZKIEL 14:15

Dika-dika poangoi-Ku in mahaḷuk moraat sin modomok kon intau mita kon butá tatua, dá butá tatua in totokdon in mokoanib bo diádon tobatúmai in intau in mokobaḻí tumaḻib kon tua.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 33:28

Butá tatua in baḻíon-Kubí padang gurun inta moingongow, bo kawasa inta pongatamai monia in moinggamádon. Buḷud mita kon Israel in moingongow bidon dá diádon in tobatúmai in intau in mokobaḻí tumaḻib kon tua.

YEHEZKIEL 5:17

Koḻikud in malarat in gogoy yo popoangoi-Kubí doman in yampoi in takit, aid moromú bo parang sin moḻimod kon intaumu, bo mahaḷuk mita inta mokokaan kon intau sin moḻimod kon i adí mita monia. Akuoi, ki Tuhan, ain nosingog.”

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

ULANGAN 32:24

Mosia in matoibí popisí in morintonow bo gogoyon, bo popisí doman in takit inta mokoondok. Pomayá-Kudon mako in mosia domokon in mahaḷuk moraat, bo tobakon in uḷag mobisa.

HAKIM MITA 5:6

Kon dodai in ki Samgar, adí i Anat, bo kon dodai doman i Yael, diábí in kapilah kon dunia, diábí in intau tongá modondaḷoi magí-mako kon daḷan moḷoben.