IMAMAT 26:17 - Alkitab Singog In Mongondow Masa In Tanaa

¹⁷ Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

IMAMAT 26:17 ပူးပေါင်းရင်းမြစ်များ

KINOBAḺIAN 4:12

Aka iko monompinomuḷa, butá in diábí mopoḷuai bungai in boyó. Iko in mobaḻídon intau inta tongá tantú maya-mayá mako, diá motantú kon tampat bo diá in pogutunan kon dunia naa.”

DATU MITA IMITÁNEA 8:33

Aka umat-Mu Israel taḷowon in musung-Nea mita popisí in mosia nomia kon dosa, bo mosia in nobuidon mangoi kon ini-Mu bo mohoromat kon ini-Mu saḷaku Tuhan, onda intua mamangoi kon baḷoi pososambayangan tanaa poḷat mosambayang mopoigum in ampung kon ini-Mu,

DATU MITA 2 13:3

Tuamai in sinumorú in ki Tuhan kon Israel dá pinomayá-Neadon mako in ki Hazael datu in Siria bo ki Benhadad ki adínea in nopobui-buimai nonaḷow kon Israel.

DATU MITA 2 13:7

Tontara mita in Israel aindon iyopú i datu in Siria dá ki Datu Yoahas in dongkadon kotontara 50 inta tumotakoi kon kabaḷo, 10 in kereta in parang, bo 10.000 in tontara.

MAZMUR 44:10

Táe tanaa Iko in nonaḷá kon inami bo nopomayá mako kon inami taḷowon. Iko in diádon minayá noyotakin nami kon poparangan.

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 44:11

Tuamai, Akuoi, ki Tuhan Inta Totok in mokawasa, Allah in Israel, moḷawangbí kon i monimu bo morimumud kon sinangkub in Yohuda.

OMBAḶ 1:5

Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

OMBAḶ 2:4

Naonda bo musung, Sia in nomadang kon puḷu in piot-Nea bo pinopotayow-Nea kon i naton in piot-Nea. Bayongan in intau inta nokosanang kon gina naton, nodait iḻimod-Nea. Sia in noporoput in torú-Nea naonda bo tuḷú kon bonu in kotá in Yerusalem tanaa.

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

YOSUA 7:4

Dá minayádon in tontara toḷu noribu bo nonubu kon kotá tatua, táe sinaḷow in mosia bo poḷat noḷagui.

HAKIM MITA 3:14

Mopuḷú bo waḷu notaong in koonggotnea umat in Israel nobiag sinonggata i Eglon.

HAKIM MITA 3:8

Dá ki Tuhan sinumorú kon umat in Israel, bo pinomayá-Neadon mako in mosia sinaḷow i Datu Kusyan-Risyataim nongkon Mesopotamia. Waḷu notaong in koonggotnea in datu tatua nongawasa kon i monia.

HAKIM MITA 6:2

Intau in Israel moondokdon totok kon intau in Midian, nodapot in mosia nogadopdon kon angob mita kon tampat mita ibanea inta moaman inta kon buḷud mita.

SAMUEL 1 12:15

Tongá, aka moiko diá mokidongog kon i Tuhan, bo modapotdon in moḷawang kon parenta-Nea, yo notantú bidon kon moiko bo datumu in ḷawangon bidon i Tuhan.

SAMUEL 1 31:1

Kon dodai intua intau in Pilistin in noparang takin intau in Israel kon buḷud in Gilboa. Nobayong in intau in Israel in minatoi kon tua, bo ibanea mako takin doman in ki Saul bo ki adínea mita ḷoḷaki in noḷagui.

SAMUEL 1 4:10

Onda intua noparangdon totok in intau in Pilistin bo poḷat nonaḷow kon intau in Israel. Intau in Israel noḷagui minayá in ḷoḷaigannea-ḷoḷaigannea. Totuu moḷoben in kinotaḷowan tatua: aindon 30.000 in tontara in Israel in minatoi.