IMAMAT 26:15 - Alkitab Singog In Mongondow Masa In Tanaa

¹⁵ Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

IMAMAT 26:15 ပူးပေါင်းရင်းမြစ်များ

KINOBAḺIAN 17:14

Bayongan in ḷoḷaki inta diá sinoit diá bidon moituot kon anggota in umat-Ku sin sia in diá kinumadai kon dodandian tatua.”

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

IḶUAIAN 19:5

Tanaa aka moiko motoindudui kon i-Nakó bo tumoḷutui kon dodandian-Ku, moiko in baḻíon-Ku umat-Ku tontaní. Bayongan in butá tanaa Akuoi in kitogi, táe moiko in baḻíon-Kudon umat-ku inta kotabi-Ku,

IḶUAIAN 24:7

Onda intua ginamánea in buk dodandian inta pinomaisan kon parenta mita i Tuhan, bo binacaneadon kon tayowon in bangusa tatua takin singog inta moropot. Mosia noguman, “Kami moibog dumudui kon i Tuhan bo mogaid kon bayongan parenta-Nea.”

AMSAL 1:30

Moiko in diábí kon dodai in onda in moibog motarima kon tongginaku mita andeka moindoimai kon toboḷowku mita.

AMSAL 1:7

Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

YESAYA 24:5

Butá mobaḻí mokotor popisí in intaunea iḻimimpat kon parenta mita i Allah, nomaḷui kon inta ain sinantú-Nea mita bo nonoḻikud kon dodandian inta pinomia-Nea noyotakin monia modapot in mononoi.

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

YEREMIA 6:19

Taridiai, ei butá! Umat-Ku in doíbí motarima kon totundú-Ku bo diá motoindudui kon i-Nakó. Mobaḻí bungai in tomayá monia in popoangoi-Ku in inta mokororiga kon i monia.

YEHEZKIEL 16:59

Ki Tuhan Inta Totok in moḷantud noguman, “Popoaid-Kubí kon inimu podudui in aidmu tontaní, sin iko in nonoḻikudon kon ibotmu bo iḻimimpatdon kon dodandian-Ku takinmu.

IMAMAT 26:11

Akuoi in mogutun kon sigad monimu kon bonu in Ḷoḷaigan-Ku, bo diábí mogindoí kon i monimu.

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

IMAMAT 26:9

Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

PINOGIAPAN 15:31

sin sia ain noḷawang kon i Tuhan bo sinumontuondon noḷawang kon parenta i Tuhan. Intau tatua minatoi sin popisí in taḷánea tontaní.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

IBRANI 8:9

Deemanbí ná dodandian inta inaidan-Ku takin mogoguyang monia wakutu in mosia dinia-Ku iḷumuai nongkon butá in Mesir. Mosia in diá tantú dinumudui kon dodandian inta inaidan-Ku takin i monia; tuamai diádon pandungon-Ku in mosia.

SAMUEL 1 12:15

Tongá, aka moiko diá mokidongog kon i Tuhan, bo modapotdon in moḷawang kon parenta-Nea, yo notantú bidon kon moiko bo datumu in ḷawangon bidon i Tuhan.