IMAMAT 26:11 - Alkitab Singog In Mongondow Masa In Tanaa

¹¹ Akuoi in mogutun kon sigad monimu kon bonu in Ḷoḷaigan-Ku, bo diábí mogindoí kon i monimu.

IMAMAT 26:11 ပူးပေါင်းရင်းမြစ်များ

SAMUEL 2 7:7

Kino oonggot in pinodondaḷoian-Ku noyotakin in bangusa in Israel, diápabí kon dodai in onda in Akuoi in noḻibó kon itoi mita inta ain piniḻí-Ku, nongonu sin mosia in diábí noposindog in baḷoi nongkon kayu ḷokuyú in Libanon kon i-Nakó.’

DATU MITA IMITÁNEA 6:13

Akuoi in mogutun kon bonu in baḷoi inta pinosindogmu tanaa kon yua-yuak in umat-Ku Israel. Akuoi in diá bidon monaḷámai kon i monia.”

DATU MITA IMITÁNEA 8:13

Tanaa in pinosindogkudon kon ini-Mu in baḷoi inta mogaga, inta pogutunan-Mu mononoi.”

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

MAZMUR 106:40

Bo sinumagab in torú i Allah kon i monia, Doídon in Sia kon kapunyaan-Nea tontaní.

MAZMUR 76:2

Ki Allah in ponango-nangoian kon Yohuda; tangoi-Nea in noiwayadon kon Israel.

MAZMUR 78:59

Nokoontongmai kon tua, ki Allah in sinumorú totok, bo nondoídon mako natua kon i monia.

IḶUAIAN 25:8

Potabádon in bangusa tatua momia kon ḷoḷaigan tobatú kon i-Nakó, sinbá Akuoi motaaudon mogutun kon yua-yuak monia.

IḶUAIAN 29:45

Akuoi in mogutun kon yua-yuak in intau Israel, bo mobaḻí ki Allah monia.

IḶUAIAN 29:46

Kotaauandon monia kon Akuoibí in ki Tuhan Allah monia inta nodia kon i monia iḻumuai nongkon Mesir, sinbá Akuoi in motaaudon mogutun kon yua-yuak monia. Akuoibí naa in ki Tuhan Allah monia.”

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

OMBAḶ 2:7

Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

YOËL 2:27

Dá kotaauandon monimu, Israel, kon Akuoi in kon yua-yuakmubí, bo Akuoi, ki Tuhan, in ki Allahmu. Diábí in Allah ibanea, koḻikudbí in Akuoi tontaní. Umat-Ku in diá bidon pokopooyáanmai bui!”

IMAMAT 20:23

Dika dumayan kon kabiasaan in bangusa inta nogutun kon tua. Mosia noponakit in gina-Ku takin oaid monia inta moromú. Tuamai mosia tua in pinoguntun-Ku, sinbá moiko motaau tumuot kon butá tatua.

IMAMAT 26:15

Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

EPESUS 2:22

Popisí in nobiag notobatú i Kristus, dá moiko doman in koyogot posindogon moyotakin in intau mita ibanea, mobaḻí tobatú baḷoi kon i Allah; inta pogutunan in Roho-Nea.

ULANGAN 32:19

Nokoontong kon tua, ki Tuhan sinumorú, bo nondoídon kon i adí-Nea mita.

YOSUA 22:19

Aka butámu tua nonajis bo diá patus baḻíon tampat poibadaan kon i Tuhan, dá pomampingdon mangoi kon butá i Tuhan, inta pinoposindogan in Ḷoḷaigan i Tuhan. Poigumdon kon tongosilai in butá nami, táe dikabí in moḷawang kon i Tuhan ande moḷawang kon inami takin modugang momia kon mezbah tobatú, bokaka koyongandon oyúon in mezbah i Tuhan Allah naton.

YOSUA 22:31

Dá guman i Pinehas, adí i Imang Eleazar, kon intau mita in suku i Ruben, i Gad bo i Manasye kon Pomukaan, “Naa bo kinotaauandon nami kon ki Tuhan nonakindon kon i naton, sin moiko in diábí noḷawang kon i-Nia. Moiko in noposaḷamatdon kon umat in Israel nongkon hukuman i Tuhan.”

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.