IMAMAT 26:10 - Alkitab Singog In Mongondow Masa In Tanaa

¹⁰ Bungai in boyó kon butá monimu in moguntu-guntuḷdon, dá tugatbí kaanon kon bonu in totaong. Modapot in pakisadon poḷuaion monimu in ḻiu in bungai in boyó inta noonggotdon sinbá oyúonpa in potagúan kon bungai in boyó inta bagu binatun.

IMAMAT 26:10 ပူးပေါင်းရင်းမြစ်များ

DATU MITA 2 19:29

Ki Yesaya in nokidia doman in koyow tanaa kon i Hizkia, “Naadon in mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta nobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungai in boyónea.

YOËL 2:24

Dá gandum in buidon momonu kon tampat pomomugutan; anggur bo ḷana in zaitun in moiḻimpóbí nongkon pomomugutan.

IMAMAT 25:22

Bo kon dodai in moiko momuḷa kon gobámu kon taong mongin waḷu, bungai in boyó kon taong noginggonom oyúonpa bo tugatpa kaanon monimu. Modapot in tongkaaḷ kaanon monimu tua tugatpabí moiyaput in wakutu pobatunan kon bungai in boyó kon taong tatua.

LUKAS 12:17

Intau tatua umuran morai kon bonu in gina, kainia, ‘Tampat potagúanku kon hasil in gobáku, diádon tugat. Naondapa degá in dayaku bá tugatan?’

YOSUA 5:11

Nopoikoḷomai kon singgai, kon dungkuḷ totok in mosia nokaan kon bungai in boyó kon Kanaan, tuata in: roti diá iragian, bo gandum inangag.