IMAMAT 25:9 - Alkitab Singog In Mongondow Masa In Tanaa

⁹ Bo kon singgai impuḷúnea buḷan noginpitu, inta kon singgai potobutan kon dosa, bayongan intau kon bayongan tampat in musti mogirup kon torompet.

IMAMAT 25:9 ပူးပေါင်းရင်းမြစ်များ

MAZMUR 89:15

Kooadil bo hukum in nobaḻí dodoyonan in dodatuan-Mu, tabi bo kososatia in noniata kon bayongan aid-Mu.

MAZMUR 89:16

Pia in kamang in bangusa inta noibada takin pia in gina, inta nobiag kon bonu in sindar kinoangoian-Mu, Tuhan.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

IMAMAT 16:20

Naonda in mopaḷut mako momia kon upacara pondaritan kon Yuang Totok Motusi bo tampat mita ibanea kon Ḷoḷaigan i Tuhan takin mezbahnea, ki Harun musti moposumba kon i Tuhan in bembé inta nobiag inta piniḻí kon i Azazel.

IMAMAT 16:29

Atorang mita tanaa musti umuran duduian dapot in adí bo ompu. Kon singgai noginpuḷú buḷan noginpitu, intau Israel bo intau ango-angoi inta nogutun kon sigad monia musti mopuasa bo imaḷowanpa in mogaid, sin singgai tanaa in singgai inta totok in motusi. Kon singgai tatua musti aidan in upacara pondaritan kon bangusa Israel nongkon bayongan dosa monia sinbá mosia modaritdon.

IMAMAT 25:8

Iapdon in pitu bo poyokali in pitu notaong, kobayongnea opat nopuḷú bo siow notaong.

IMAMAT 27:17

Aka butá tatua pinosumba pinangkoipa kon taong pinopobuian, yo boḻinea musti uboḻian motompod.

IMAMAT 27:24

Kon Taong Popobuian, gobá tatua in musti pobuion kon i toginea inta muna ande kon buínea.

PINOGIAPAN 10:10

Ná doman tua in kon singgai mita poramean, ramean mita Buḷan Mobagu bo porayaan mita monimu ibanea, torompet tatua musti irupon kon dodai in moiko moposumba in kuruban payongon bo kuruban podamean kon i-Nakó. Dá tuḷungan-Ku in moiko. Akuoi in ki Tuhan Allahmu.”

PINOGIAPAN 36:4

Kon Taong Popobuian, kon dodai in bayongan kapunyaan inta ain pinotaḷui pobuion kon i toginea inta muna, butá i adí mita bobay i Zelapehad tatua in umuran bidon mobaḻí kapunyaan i buḷoi mita monia ḷoḷaki, dá suku nami in koinggamáandon in butá tatua.”

SURAT I PAULUS KON JAMAAT RUM 10:18

Táe akuoi in moḻibó: Degá diápa dinongog monia? Pasti dinongog bidon! Sin kon Buk Motusi ain pinais nanaa, “Singog monia ain kinodongogan kon bayongan in dunia naa, bo onu in pinotaau monia noiyaput kon popod in dunia.”

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

TESALONIKA 1 1:8

Sin nongkon imonimu, habar soaḷ ki Tuhan noisiardon dapot in Makedonia bo Akhaya. Deeman doman tongá kon tua; sin nodapotbí doman in habar kon naonda in kopopirisaya monimu kon i Allah noisiar domandon magí mako kon ḻipu-ḻipúannea, sahingga diá bidon in musti pogumanku kon i monimu.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.