IMAMAT 25:54 - Alkitab Singog In Mongondow Masa In Tanaa

⁵⁴ Táe aka sia diá kotobutan takin cara natua, dá sia takin ki adínea mita in mustibí poḷuatondon kon Taong Popobuian moiduduimai.

IMAMAT 25:54 ပူးပေါင်းရင်းမြစ်များ

YESAYA 49:25

Ki Tuhan in notubag, “Tuata in mobaḻí. Intau mita inta dinakop in pahlawan mita in agowonbí bui. Inta inagow in intau moraat in agowonbí bui. Sin Akuoibí tontaní in monayow kon musungmu; Akuoi in moposaḷamatbí kon i adímu mita.

YESAYA 49:9

Intau inta pinonjara pinoki poḷuaian-Ku; inta kon tampat mosindip diaan-Ku mayá in mobayag. Nodapot in inta kon tombuḷud inta noḷogat mosia in diábí kodaitan, kon kinoouput in daḷan oyúonbí in kaanon.

YESAYA 52:3

Ki Tuhan in noguman kon umat-Nea, “Moiko in pinotaḷui mako natua, dá tanaa in poḷuaton doman mako natua.

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

IMAMAT 25:13

Kon taong tatua bayongan butá inta ain pinotaḷui musti pobuion kon i toginea inta muna.

IMAMAT 25:55

Intau Israel tobatú in diábí motaau umuran mobaḻí ata kon bonu in kinobiagannea sin bangusa Israel tua in bobantungbí mita i Tuhan. Ki Tuhanbí inta ain nodia kon i monia iḻumuai nongkon Mesir. Siabí tua in ki Tuhan, Allah monia.