IMAMAT 25:47 - Alkitab Singog In Mongondow Masa In Tanaa

⁴⁷ Aka intau ango-angoi inta kon sigad monimu mobaḻí nobiag nooyúon, bo oyúon in intau Israel kon sigad monimu nobaḻí nobiag nobogá nodapot in sia nopotaḷui in awaknea mobaḻí ata kon intau ango-angoi tatua ande kon koluarganea,

IMAMAT 25:47 ပူးပေါင်းရင်းမြစ်များ

NEHEMIA 5:8

bo noguman, “Takin ḻimbatú in ropot kita in notobutdon kon i utat mita naton intau in Yahudi inta pakisa nopotaḷui in awaknea kon bangusa ibanea. Táe tanaa in moikodon in momakisa kon i monia mopotaḷui in awaknea kon i monimu, bokaka moiko doman in intau Yahudi!” Itoi mita tatua in diá nokotubag umpaka tongá totontagá.

IMAMAT 25:25

Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

IMAMAT 25:26

Aka diá in intau ibanea in motobut kon butá tatua táe kitoginea tatua kon singgai moiduduimai mokopooyúondon bo tugatdon in doitnea potobutan kon butánea,

IMAMAT 25:46

bo motaaubí doman popoabat kon i adí mita monimu sin baḻíon monia ata kon bonu in mosia mobiagpa. Táe aka tumpaḷa intau Israel diábí motaau in pomiaan monimu ibo-ibog.

IMAMAT 25:48

yo intau Israel tatua umuranbí oyúon in haknea tobuton. Intau tobatú nongkon i utatnea inta ḷoḷaki,

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.