IMAMAT 25:41 - Alkitab Singog In Mongondow Masa In Tanaa

⁴¹ Kon dodai intua sia bo ki adínea mita motaaudon monaḷámai kon baḷoimu bo mobui kon koluarganea bo kon butá in mogoguyangnea.

IMAMAT 25:41 ပူးပေါင်းရင်းမြစ်များ

IḶUAIAN 21:3

Aka sia bo diápa kobuḷoi kon dodai in nobaḻí atamu, dá ki buḷoinea in diábí motaau tumakin kon dodai in sia ḷumuai. Táe aka sia ain kobuḷoi kon dodai in sia nobaḻí atamu, dá ki buḷoinea in motaaubí tumakin kon inia.

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

IMAMAT 25:28

Táe aka sia diá mokotongod in motobut kon butánea, dá intau inta notaḷui umuranpabí oyúon in haknea kon butá tatua modapot kon Taong Popobuian inta moiduduimai. Kon bonu in taong tatua butá tatua musti pobuion kon i toginea inta muna.

IMAMAT 25:40

Sia musti mogutun kon inimu mobaḻí intau inta sinondanan bo mogaid kon oaidanmu modapot kon Taong Popobuian.

IMAMAT 25:42

Intau Israel tua in mogogundoibí mita i Tuhan; Siabí in nodia kon i monia iḻumuai nongkon Mesir, dá tuamai mosia in diábí motaau potaḷui mobaḻí ata.

YOHANES 8:32

dá kotaauandon monimu in ki Allah inta mobanar tua, bo popisí intua dá moiko in poḷuatondon.”

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.