IMAMAT 25:34 - Alkitab Singog In Mongondow Masa In Tanaa

³⁴ Táe ḷopá popokaanan in biag kon diugmai in kotá mita intau in Lewi diábí motaau potaḷui. Tua in nobaḻíbí kapunyaan intau in Lewi dapot kon adí bo ompu.

IMAMAT 25:34 ပူးပေါင်းရင်းမြစ်များ

TAWARIKH 2 31:19

Kon sigad in imang mita inta nogutun kon kotá mita inta ain sinantú kon buí i Harun, andeka kon rawang mita kon diugmai in kotá mita tatua, sinundú in intau mita sin mosilai kon kokaanon kon bayongan in ḷoḷaki kon bonu in motoḷuadí in imang, bo kon batúan in intau inta pinais kon bonu in suku Lewi.

YEHEZKIEL 48:13

Butá in intau in Lewi tatua kobanatnea in mogatut bodoyowá nopuḷú boḻima noribu nometer nongkon dotá in pomukaan nodapot kon dotá in toyopan, bo kooḷadnea in ḻima nopuḷú noribu nometer nongkon dotá in utuan nopobayá in toḷatan bo noiukat noitombutung in butá in imang mita.

YEHEZKIEL 48:14

Tongákabí toyangow nongkon butá tatua diábí motaau potaḷui monia andeka poyoḻiuon; tonsilai inta totok in mopia nongkon butá in Israel diábí motaau in ogoi kon intau ibanea, sin butá tatua aindon pinonangoi kon i Tuhan bo nobaḻí kapunyaan-Nea.

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

IMAMAT 25:33

Aka intau in Lewi tobatú mopotaḷui in baḷoinea kon kotá tobatú bo diá tobutonnea bui, dá baḷoi tatua mustibí pobuion bui kon inia kon dodai in Taong Popobuian. Sin baḷoi in intau in Lewi kon kotá mita monia in nobaḻíbí kapunyaan monia inta notantúdon kon sigad in bangusa Israel.