IMAMAT 25:32 - Alkitab Singog In Mongondow Masa In Tanaa

³² Táe aka intau in Lewi haknea in toonukabí in motobut kon kapunyaan monia kon kotá mita inta ain sinantú kon i monia.

IMAMAT 25:32 ပူးပေါင်းရင်းမြစ်များ

TAWARIKH 2 31:19

Kon sigad in imang mita inta nogutun kon kotá mita inta ain sinantú kon buí i Harun, andeka kon rawang mita kon diugmai in kotá mita tatua, sinundú in intau mita sin mosilai kon kokaanon kon bayongan in ḷoḷaki kon bonu in motoḷuadí in imang, bo kon batúan in intau inta pinais kon bonu in suku Lewi.

YEHEZKIEL 48:14

Tongákabí toyangow nongkon butá tatua diábí motaau potaḷui monia andeka poyoḻiuon; tonsilai inta totok in mopia nongkon butá in Israel diábí motaau in ogoi kon intau ibanea, sin butá tatua aindon pinonangoi kon i Tuhan bo nobaḻí kapunyaan-Nea.

IMAMAT 25:31

Aka baḷoi kon ḻipú inta sinondok doman in beton pakéon doman in atorang natua: kitoginea muna oyúon in hak motobut kon baḷoi tatua bo baḷoi tatua musti pobuion kon Taong Popobuian.

IMAMAT 25:33

Aka intau in Lewi tobatú mopotaḷui in baḷoinea kon kotá tobatú bo diá tobutonnea bui, dá baḷoi tatua mustibí pobuion bui kon inia kon dodai in Taong Popobuian. Sin baḷoi in intau in Lewi kon kotá mita monia in nobaḻíbí kapunyaan monia inta notantúdon kon sigad in bangusa Israel.