IMAMAT 25:30 - Alkitab Singog In Mongondow Masa In Tanaa

³⁰ Táe aka baḷoi tatua diá sinobutnea kon bonu in totaong tatua dá diádon in haknea motobut bui. Baḷoi tatua mobaḻídon kapunyaan in intau inta notaḷui bo buínea. Kon Taong Popobuian, baḷoi tatua diá bidon pobuion.

IMAMAT 25:30 ပူးပေါင်းရင်းမြစ်များ

IMAMAT 25:28

Táe aka sia diá mokotongod in motobut kon butánea, dá intau inta notaḷui umuranpabí oyúon in haknea kon butá tatua modapot kon Taong Popobuian inta moiduduimai. Kon bonu in taong tatua butá tatua musti pobuion kon i toginea inta muna.

IMAMAT 25:29

Aka intau tobatú mopotaḷui in baḷoinea tobatú inta kon bonu in kotá inta iḻibu sinondok in beton, dá oyúonbí in haknea motobut kon baḷoinea kon bonu in totaong inta iapon pinangkoi kon singgai pinopotaḷuian.

IMAMAT 25:31

Aka baḷoi kon ḻipú inta sinondok doman in beton pakéon doman in atorang natua: kitoginea muna oyúon in hak motobut kon baḷoi tatua bo baḷoi tatua musti pobuion kon Taong Popobuian.