IMAMAT 25:23 - Alkitab Singog In Mongondow Masa In Tanaa

²³ Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

IMAMAT 25:23 ပူးပေါင်းရင်းမြစ်များ

KINOBAḺIAN 23:4

“Akuoi naa in intau mokokiangoi inta nogutun kon yua-yuak i Utat mita; dá ogoipa in akuoi motaḷui kon butá sinbá oyúon in poḷobonganku kon i buḷoiku.”

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

DATU MITA IMITÁNEA 21:3

Ki Nabot in notubag, “Gobá in anggur tanaa in budelbí in mogoguyangku. Podoyon kon i Allah, diábí motaauku ogoi kon i Tuang!”

TAWARIKH 1 29:15

Kinotaauan-Mubí, o Tuhan, kon ná doman mogoguyang nami, kami in nobiag naa in naonda bo mokokiangoi bo intau ango-angoi. Kobiagan nami in naonda bo oḻinow inta noitaḻib, bo kami naa in diábí moiḷagui kon popatoi.

TAWARIKH 2 7:20

dá poḷuaion-Kubí in moiko nongkon butá inta ain inogoi-Ku kon i monimu. Taḷaan-Ku doman in baḷoi tanaa inta ain sinantú-Ku nobaḻí tampat ibada kon i-Nakó. Kon ondakabí yo baḷoi tanaa in singkuḻeonbí bo kosingan.

MAZMUR 119:19

Diábí umuran mako in akuoi in mogutun kon dunia dikabí kaasí bunion in hukum-Mu kon inakó.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 39:12

Intau in popisí in taḷánea; ihukum bo sinambok-Mu naonda bo sisik irimumud-Mu onu inta koboḻi kon inia. Totuu, intau in naonda bo tongá pogirupan in tompot.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

MAZMUR 85:1

Kon i itoi in mododondong. Mazmur i inanakan i Korah.

IḶUAIAN 19:5

Tanaa aka moiko motoindudui kon i-Nakó bo tumoḷutui kon dodandian-Ku, moiko in baḻíon-Ku umat-Ku tontaní. Bayongan in butá tanaa Akuoi in kitogi, táe moiko in baḻíon-Kudon umat-ku inta kotabi-Ku,

IḶUAIAN 2:22

Ki Zipora nopononggadí in adí ḷoḷaki tobatú. Adí tatua in sinangoian ki Gersom, sin ki Musa in norai, “Akuoi naa intau ango-angoi kon naa.”

YESAYA 8:8

Mosia in momuntag kon Yohuda naonda bo ḷunud modapot in sigogow bo monaḷom kon bayongan in yagi-yagi.” Ki Allah in kotaki-takin naton! Koḻikip-Nea inta nobuká moḷukad kon butá naton.

YEHEZKIEL 48:14

Tongákabí toyangow nongkon butá tatua diábí motaau potaḷui monia andeka poyoḻiuon; tonsilai inta totok in mopia nongkon butá in Israel diábí motaau in ogoi kon intau ibanea, sin butá tatua aindon pinonangoi kon i Tuhan bo nobaḻí kapunyaan-Nea.

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

YOËL 2:18

Bo ki Tuhan in nonaridimaidon kon butá-Nea, bo nonotabi kon umat-Nea.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

IMAMAT 25:24

Aka butá totampat bo potaḷui, haknea in mustibí kitoginea muna sinbá motaau buínea tobuton in butá tatua.

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.