IMAMAT 25:21 - Alkitab Singog In Mongondow Masa In Tanaa

²¹ Kon bonu in taong noginggonom ki Tuhan momarakat kon butámu sinbá boyónea tugat pakéon dapot in toḷu notaong.

IMAMAT 25:21 ပူးပေါင်းရင်းမြစ်များ

KINOBAḺIAN 26:12

Ki Ishak nonompinomuḷa kon butá tatua, bo taong tatua sia in nokouḻí kon bungai in boyó mogatut noguntuḷ nongkon onu inta pinomuḷanea, sin ki Tuhan nomarakat kon inia.

KINOBAḺIAN 41:47

Kon bonu in pitu notaong butá totokdon in nobogoi in bungai in boyó inta mobarong totok.

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

IḶUAIAN 16:29

Pokotoropdon, kon ogoi-Kubí kon i monimu in singgai tobatú sin pogogaian. Tuamai kon singgai noginggonom Akuoi nobogoi in kaanon inta tugat kaanon monimu doyowa nosinggai. Kon singgai noginpitu komintan intau musti mogutun mako kon baḷoi, bo diá motaau ḷumuai.”

IḶUAIAN 16:5

Kon singgai inggonomnea musti in mosia mosipun kon kaanon tatua kodua ná inta muna in kobayongnea.”

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

IMAMAT 25:4

Táe pomuḷoi in taong impitunea tua in tantúon kon i Tuhan. Dá kinoouput in taong tatua pomayápa mako in butá tatua diá ponompinomuḷaan. Dika monompinomuḷa bo dika mongimpoḻimping kon anggurmu mita.

IMAMAT 25:6

Umpaka natua, yo butá tatua in mobogoibí doman in boyó inta baḻíon kaanon kon i monimu, kon atamu mita, kon intau mita inta sinondananmu, bo intau mita ango-angoi inta nogutun takin i monimu.

KORINTUS 2 9:10

Sinadia-Neadon bibit kon intau inta mogogambor bo kaanon kon i naton. Siabí doman inta moposadia in bibit inambor monimu tatua, sinbá bungai in kopopia in gina monimu moguntu-guntuḷ domandon.

ULANGAN 28:3

Barakatan in kotá mita bo gobámu mita.

ULANGAN 28:8

Ki Tuhan Allahmu in momarakatbí kon totayakmu bo momonu in gandum kon ontagmu mita. Barakatan-Neabí in moiko kon butá inta inogoi-Nea kon inimu.