IMAMAT 25:18 - Alkitab Singog In Mongondow Masa In Tanaa

¹⁸ Duduiaidon in bayongan hukum bo parenta i Tuhan, sinbá moonow in kobobiagmu kon butá tatua.

IMAMAT 25:18 ပူးပေါင်းရင်းမြစ်များ

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

MAZMUR 103:18

kon intau inta kinumadai kon dodandian-Nea, bo takin satia mopoaid in parenta-Nea.

MAZMUR 4:8

Binaḻí-Mu in gina-Ku nodugang noḷunganga noiḻiu kon ḷunganga in intau inta nokouḻí kon bungai in boyó mobarong.

AMSAL 1:33

Táe intau inta mokidongog kon inakó in koḷukadanbí. Sia in mobiagbí moaman bo diá bidon moondok.”

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

YEREMIA 25:5

Mosia in nopotabá kon i monimu monaḷámai kon gogutúmu inta moraat, bo oaidmu mita inta dinosa, sinbá moiko in umuran mogutun kon butá inta ain inogoi i Tuhan kon inimu bo kon mogoguyangmu mobaḻí kapunyaan monimu tontaní.

YEREMIA 33:16

Intau in Yohuda bo intau inta nogutun kon Yerusalem in posaḷamatonbí bo mobiag moaman. Kotá in Yerusalem in tangoian ‘Tuhan Mopoposaḷamat Naton’.

YEHEZKIEL 33:29

Kon tungkuḷ in Akuoi mohukum kon bangusa tatua popisí in dosa mita monia bo nopobaḻí noingongow in butá tatua, yo kotaauandon monia kon Akuoibí in ki Tuhan.”

IMAMAT 19:19

Duduiaidon in parenta-Ku mita. Dika mopoyobuḷoi in mahaḷuk inta noyoposi in batangannea. Dika mopomuḷa in doyowa norupa in bibit kon gobá tobatú. Dika moḷutud kon pakeang inta pinomia nongkon siningkoi doyowa inta noyoposi.

IMAMAT 19:37

Duduiaidon in bayongan hukum bo parenta-Ku. Akuoi in ki Tuhan.”

IMAMAT 25:19

Butá tatua in mobogoi in boyónea modapot in oyúon kaanon monimu inta tugat kon i monimu bo mogutun kon tua takin mobiag motompia.

ULANGAN 12:10

Naonda in moiko ḷumoḷan kon Ongkag in Yordan, ki Tuhan Allahmu in motuḷungbí kon i monimu ḻimitú bo mogutun kon butá inta kon ḷoḷan in ongkag tatua. Sia in mogoḻingoibí kon i monimu nongkon bayongan musung, bo moiko in mobiagbí moaman bo motompia.

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

ULANGAN 33:28

Dá buí i Yakub in mobiagbí takin diá in tongkuḷabot kon butá inta nopuḻing in gandum bo tubig in anggurnea, bo binutakan in topuot nongkon ḷangit.