IMAMAT 25:10 - Alkitab Singog In Mongondow Masa In Tanaa

¹⁰ Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

IMAMAT 25:10 ပူးပေါင်းရင်းမြစ်များ

EZRA 1:3

Igumon mako ki Allah moḷukad kon i monimu komintan inta nobaḻí umat-Nea. Moiko in mustibí mobui kon Yerusalem bo moposindog bui in Baḷoi Tuhan, Allah in Israel, ki Allah inta nogutun kon Yerusalem.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

YESAYA 49:9

Intau inta pinonjara pinoki poḷuaian-Ku; inta kon tampat mosindip diaan-Ku mayá in mobayag. Nodapot in inta kon tombuḷud inta noḷogat mosia in diábí kodaitan, kon kinoouput in daḷan oyúonbí in kaanon.

YESAYA 63:4

Akuoi in nonomayádon kon singgai ponuḻían, bo wakutu popoḷuatan kon umat-Ku.

YEREMIA 34:10

Bayongan in rayat bo pojabat mita in pomarenta inta ain nomia kon dodandian mopoḷuat kon ata mita monia bo diádon bui mononggata kon i monia, totu-totuu mopoḷuat kon i ata monia tatua.

YEREMIA 34:8

Ki Datu Zedekia bo intau in Yerusalem nomia kon dodandian sin mopoḷuat

YEHEZKIEL 46:17

Táe aka mongongawasa tatua mobogoi in tongosilai nongkon butá budelnea kon bobantungnea tobatú, yo butá tatua in buibí mobaḻí kapunyaan in mongongawasa tatua in kon Taong Popobuian. Butá tatua in kapunyaannea bo tongábí sia takin ki adínea mita ḷoḷaki in motaau mongawasa kon butá tatua modapot in mononoi.

IMAMAT 25:11

Dikapabí monompinomuḷa kon gobámu. Gandum inta tongá kino bia-biagnea ande bungai in anggur kon gobá in anggurmu inta diá pinoḻimpingan diábí motaau sipunon monimu bo tagúon.

IMAMAT 25:13

Kon taong tatua bayongan butá inta ain pinotaḷui musti pobuion kon i toginea inta muna.

IMAMAT 25:41

Kon dodai intua sia bo ki adínea mita motaaudon monaḷámai kon baḷoimu bo mobui kon koluarganea bo kon butá in mogoguyangnea.

IMAMAT 25:54

Táe aka sia diá kotobutan takin cara natua, dá sia takin ki adínea mita in mustibí poḷuatondon kon Taong Popobuian moiduduimai.

KORINTUS 2 3:17

Sin ki Tuhan tua in Rohobí; bo kon onda oyúon in Roho i Tuhan, yo kon tua oyúon in kabebasan.

GALATIA 4:25

Dá ki Hagarbí tua in sinangoian Buḷud in Sinai kon butá in Arab. Sia in naonda bo Yerusalem tanaa mako, inta nobiagdon ata.

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.

PETRUS 1 2:16

Bo kobiagdon in moiko saḷaku intau inta mobebas, táe donaai pakéon in kabebasan tatua sin momompon kon aid mita monimu inta moraat, táe kobiagbí saḷaku intau mita inta nogaid kon oaidan i Allah.