IMAMAT 24:9 - Alkitab Singog In Mongondow Masa In Tanaa

⁹ Roti tatua in silai i Harun bo buínea. Bo tua in mustibí kaanon monia kon tampat inta motusi, sin roti tatua in motusibí doman totok nongkon kuruban kaanon inta pinosumba kon i Tuhan inta nobaḻí silai in imang mita.

IMAMAT 24:9 ပူးပေါင်းရင်းမြစ်များ

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 24:10

Kon ḷoḷaigan intau Israel oyúon in ḷoḷaki tobatú. Ki amánea intau in Mesir bo ki inánea intau in Israel tangoinea ki Selomit, ki adí i Dibri nongkon suku Dan. Kon singgai tobatú sia norogenggeng takin intau Israel kon ḷoḷaigan. Kon dodai in sia norogenggeng, sia nogodi-godimai kon i Allah. Tuamai intau mita Israel nodia kon inia pinobayá kon i Musa,

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 6:11

Mopaḷut mako kon tua sia musti momaḷuidon kon pakeang bodongka modia kon ḷobud tatua kon ḷuai in ḷoḷaigan, pobayá in tampat inta ain sinantú potagúan kon tua.

IMAMAT 6:16

Topong inta ki agatnea musti aidan roti inta diá ragian bo kaanon in imang mita kon tampat inta ain sinantú, inta kon bosí in Ḷoḷaigan Tuhan. Tuata in nobaḻí silai in imang mita inta inogoi i Tuhan kon i monia nongkon kuruban kaanon. Kaanon tatua motusi totok, naonda bo kuruban potobut kon dosa bo kuruban toḻiu in karugian.

IMAMAT 6:9

mopotaau kon i Harun bo kon i adínea mita in atorang mita tanaa soaḷ kuruban inta daiton tubáan. Ki imang musti mogukat kon kuruban tubáan kon tudu in mezbah bo pomayánea mako kon tua tonggobii tua, bo tuḷúnea in mustibí umuran modokot.

IMAMAT 8:3

Bo oinídon in bayongan umat Israel moyosipun kon tayowon ḷoḻingkop in Ḷoḷaigan-Ku.”

IMAMAT 8:31

Onda intua ki Musa noguman kon i Harun bo kon i adínea mita, “Dungúdon in ponoyá kuruban tatua kon tayowon in ngara Ḷoḷaigan i Tuhan. Podudui in parenta i Tuhan, musti kaanon monimu kon tua takin roti kuruban pinomaḻían kon i monimu imang inta binonu kon kompé.

MALEAKHI 1:12

Táe moiko in moningkuḻebí kon i-Nakó sin kainimu kamai in mezbah-Ku in diábí in mangaḻenea, bo moposumba kon tua in kaanon inta kinodoí monimu.

MATIUS 12:4

Sia in sinumuot kon bonu in Baḷoi Tuhan; bo nokaan kon roti inta ain pinosumba kon i Allah, inta aka dumudui kon atorangnea yo tongábí imang in motaau mokaan kon tua, intau ibanea in diábí motaau.

LUKAS 6:4

Sia in sinumuot kon Baḷoi Tuhan bo nogamá kon roti inta ain pinosumba kon i Allah bo kinaannea. Onda intua roti tatua inogoinea doman kon dumoduduinea mita. Bokaka aka podudui in hukum agama naton yo roti tatua in tongábí imang mita in motaau mokaan.”

SAMUEL 1 21:6

Bo ki imang tatua in nobogoi in roti sosumba kon i Daud, sin inta oyúon kon inia in tongádon roti inta pinosumba kon i Allah, bo ain ginamá nongkon mezbah sin baḷuiandon in roti inta mobagu. (