IMAMAT 24:5 - Alkitab Singog In Mongondow Masa In Tanaa

⁵ Pogamádon kon topong inta totok in mopia mopuḷú bodoyowá nokilo in kobayongnea bo pomiadon kon roti noḻimbung mopuḷú doman bodoyowá, pomia tumongo kilo komintan.

IMAMAT 24:5 ပူးပေါင်းရင်းမြစ်များ

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

TAWARIKH 1 23:29

Mosia doman in kitogi totaau kon inta moiduduimai naa: Roti inta pinosumba kon i Allah, topong inta pakéon posumba kon i Tuhan, kukis nonipit inta pinomia diá binaukan in ragi, kuruban inangag, bo topong inta binaukan in ḷana zaitun. Musti doman in mosia mosimbang bo mogiap kon sosumba mita inta dinia kon Baḷoi Tuhan.

TAWARIKH 1 9:32

Intau mita nongkon inanakan i Kehat in moindoi kon poposadiaan kon roti inta oḷudon kon i Tuhan muḷoi in singgai in Sabat.

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

NEHEMIA 10:33

Kami in moposadiabí in bayongan kaparaḷuan pakéon kon ibada kon Baḷoi Tuhan, tuata: roti oḷudon, sosumba in gandum muḷoi in singgai, biag inta pakéon kuruban payongon muḷoi in singgai, sosumba motusi ibanea, kuruban mita pongampung kon dosa mita in Israel, bo bayongan inta paraḷuon pakéon kon Baḷoi Tuhan.

NEHEMIA 10:34

Kami, rayat, imang mita bo intau mita in Lewi, in mopogonik in undi muḷoi in taong sin monantú kon inanakan táonda in musti moposadia kon kayu pondungú kon kuruban mita sosumba kon i Tuhan Allah nami, podudui in atorang in hukum.

IḶUAIAN 25:30

Meja tatua in musti poukat kon tayowon in Poti Dodandian, bo kon tudu in meja tatua musti umuran oyúon in roti sosumba.”

IḶUAIAN 39:36

meja bo bayongan touḷutnea bo roti sosumba,

IḶUAIAN 40:23

bo kon tudu in meja tatua inukatdon in roti sosumba, notongkai ná inta pinarenta i Tuhan kon i nia.

IḶUAIAN 40:4

Ukatdon in meja takin touḷutnea mita. Potuot domandon in sioḷ in totuduan togá bo poyongkitdon in togánea.

PINOGIAPAN 4:7

Mosia in musti mopoaip in kaeng nobidu tobatú kon meja pogogukatan kon roti inta oḷudon kon i Tuhan, bo kon tudu in meja tatua musti ukatan doman monia in pindan moḷoben, baki tampat in dupa, baki tampat in sosumba, bo kendi inta pobonuan kon tubig in anggur inta posumba. Roti oḷudon musti umuran oyúon kon meja tatua.

MATIUS 12:4

Sia in sinumuot kon bonu in Baḷoi Tuhan; bo nokaan kon roti inta ain pinosumba kon i Allah, inta aka dumudui kon atorangnea yo tongábí imang in motaau mokaan kon tua, intau ibanea in diábí motaau.

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

SAMUEL 1 21:6

Bo ki imang tatua in nobogoi in roti sosumba kon i Daud, sin inta oyúon kon inia in tongádon roti inta pinosumba kon i Allah, bo ain ginamá nongkon mezbah sin baḷuiandon in roti inta mobagu. (

SAMUEL 1 21:7

Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)