IMAMAT 24:16 - Alkitab Singog In Mongondow Masa In Tanaa

¹⁶ bo hukumon matoi. Ki ineka in mogodi-godimai kon i Tuhan musti ara bo in batu in bayongan jamaat dapot in matoi. Hukum tatua pouma kon intau Israel ande kon intau ango-angoi inta ain nogutun notantú kon Israel.

IMAMAT 24:16 ပူးပေါင်းရင်းမြစ်များ

SAMUEL 2 6:2

Mosia in dinianea nopobayá ná Baale-Yohuda, sin mayá intua mogamá kon Poti Dodandian inta dinonoi takin tangoi i Tuhan Inta Totok in Mokawasa inta nongawasa kon ḻimonik in kerub mita.

MAZMUR 139:20

Mosia in nosingog kon moraat soaḷ Iko, bo ki ubo-uboḷmai nongibot pinodoyon kon kotá-Mu mita.

MAZMUR 74:10

Modapot in toonu, o Allah, musung in morebeg kon ini-Mu? Modapot degá in mononoi mosia in moningkuḻe kon tangoi-Mu?

MAZMUR 74:18

Toropdon naonda in pinononingkuḻe in musung kon ini-Mu, o Tuhan, bangusa inta diá nonotaau kon ini-Mu nohojat kon tangoi-Mu.

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

IḶUAIAN 22:28

Dika mogodi-godimai kon i Allah bo kon itoi in bangusamu.

IMAMAT 20:2

mopotaau in naa kon bangusa Israel, “Bayongan intau kon sigad monimu ande intau ango-angoi inta nogutun kon sigad monimu inta mopokuruban in adínea kon i Molokh, musti ara bo in bayongan intau dapot in sia matoi.

MATIUS 12:31

Manangka intua poguman-Ku kon inimu, aka intau mogaid kon dosa bo moningkuḻe kon i Allah, yo motaaupabí ampungan! Táe aka moningkuḻe kon Roho i Allah, yo diábí ampungan in sia!

MATIUS 26:66

Aka podudui in raian monimu yo naonda?” Tubag monia, “Kotaḷá in Sia, musti hukumon modapot in matoi.”

MARKUS 14:64

Sin dinongogdon monimu tontaní in hojatan-Nea kon i Allah. Yo onu in kaputusan monimu in tanaa?” Pinutusdon monia kon kotaḷá in ki Yesus bo patus hukumon matoi.

YOHANES 19:7

Intau mita in Yahudi tatua in noguman, “Podudui in hukum nami, Sia in musti hukumon matoi sin Sia in nongaku ki Adí i Allah.”

OUMAN IN RASUL MITA 26:11

Moantó in pinogutúku in mosia kon baḷoi mita pososambayangan, pakisaanku sinbá diádon mopirisaya in mosia kon i Yesus. Totokbí moyaat in ginaku kon i monia tungkuḷ intua, noidapot in aḷowanku in mosia kon ḻipu-ḻipúannea.”

OUMAN IN RASUL MITA 7:58

Pinoḷuai monia in sia kon kotá tatua bo inandur in batu. Intau mita inta nokoontong kon inta nobaḻí tatua noḷongkut kon ḷambung bo pinoki kadai monia kon tobatú tayowmobiag inta ki Saulus in tangoinea sin moduḷu doman mogandur.

TIMOTIUS 1 1:13

umpakabí tungkuḷ intua akuoi naa in umuran moponapud in diá totuu bo momogutú poḷat doman moningkuḻe kon i-Nia. Táe sinotabibí i Allah in akuoi, sin dodai intua akuoi in diápa mopirisaya, sahingga in diábí kinotaauanku onu in pinomiaku tatua, noitutui ande noitaḷá.

YAKOBUS 2:7

Mosiabí tuata inta nohina kon tangoi mopia inta sinarima monimu nongkon i Allah!