IMAMAT 24:14 - Alkitab Singog In Mongondow Masa In Tanaa

¹⁴ “Diadon in intau tatua kon ḷuai in ḷoḷaigan. Bayongan intau inta nokodongog kon inia nogodi-godimai, musti mopoukat in ḻima monia kon uḷu in intau tatua sin mobogoi in katarangan kon sia in kotaḷá. Bo bayongan umat musti mogarab in batu kon inia dapot in matoi.

IMAMAT 24:14 ပူးပေါင်းရင်းမြစ်များ

DATU MITA IMITÁNEA 21:10

Potabádon in intau moraat doyowa ḻimitú tumayow kon inia bo ponapud kon sia in nogodi-godimaidon kon i Allah bo kon i datu. Bodongka diá in sia poḷuai in kotá, bo andur in batu dapot in matoi!”

IMAMAT 13:46

Kon bonu in sia monahang mako kon roriga popisí in panyaki tatua sia in nonajispabí bo musti mogutun kon ḷuai in ḷoḷaigan, moyayú nongkon intau mita ibanea.

IMAMAT 20:2

mopotaau in naa kon bangusa Israel, “Bayongan intau kon sigad monimu ande intau ango-angoi inta nogutun kon sigad monimu inta mopokuruban in adínea kon i Molokh, musti ara bo in bayongan intau dapot in sia matoi.

IMAMAT 20:27

Bayongan intau ḷoḷaki ande bobay inta umuran mogoiní kon dimukud mita inta ain minatoi yo musti ara bo in batu modapot in matoi. Intau tatua in matoi popisí in oaidnea tatua.”

IMAMAT 24:13

Ki Tuhan noguman kon i Musa,

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

ULANGAN 17:5

yo intau inta kotaḷá in musti diaan kon ḷuai in kotá bo ara bo in batu dapot in matoi.

ULANGAN 17:7

Sakusi mita in musti muna mogandur in batu inta muna kon intau tatua, bo duduiai in bayongan rayat. Aid tatua moponiata kon moiko in monginggamá kon aid moraat tatua.

ULANGAN 21:21

Bo intau mita ḷoḷaki kon kotá tatua musti mogarab in batu kon adí tatua modapot in matoi. Aid natua moponiata kon moiko in monginggamá kon aid moraat. Bayongan in intau kon Israel in mokodongogdon kon tua bo angoiandon in ondok.”

ULANGAN 22:21

dá bobay tatua in musti diaan kon tayowon in baḷoi in guyanganea. Kon tampat tatua ḷoḷaki mita nongkon kotá tatua musti mogandur in batu kon bobay tatua dapot in matoi. Bobay tatua ain nogaid kon inta mokooyá kon bangusa naton sin nosiugdon takin ḷoḷaki kon dodai in diápa pinobuḷoi kon dodai in sia nogutunpa kon baḷoi i amánea. Aid monimu tatua monginggamá kon aid moraat tatua.

YOSUA 7:25

Bo ki Yosua noguman kon i Akhan, “Nongonu sin iko in nopoangoibí in roriga kon inaton? Tanaa ki Tuhan mopoangoidon in roriga kon inimu!” Dá ki Akhan takin mosia motoḷuadínea inarabdon in bayongan umat in Israel in batu nodapot in minatoi. Komintan kapunyaannea, bo barang mita inta sinakownea nodaitdon sinubá nodapot in nopayong komintan.