IMAMAT 23:39 - Alkitab Singog In Mongondow Masa In Tanaa

³⁹ Naonda in mopaḷut mako mobatun kon bungai in boyó, pangkoion kon singgai mopuḷú bo ḻima buḷan noginpitu, moiko in musti momia kon poramean pitu nosinggai in koonggotnea. Singgai dungkuḷ bo singgai noginwaḷu tua in singgai inta ain sinantú kon pogogaian.

IMAMAT 23:39 ပူးပေါင်းရင်းမြစ်များ

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

IMAMAT 23:38

Poramean mita tatua nobaḻí dugang kon singgai mita in Sabat biasa, dá sosumba mita tatua in nobaḻí doman dugang kon onu inta inogoimu inta biasamai, kon kurubanmu sin motobut kon onu inta ain dinandimu, ande kuruban monginibog inta inogoi monimu kon i Tuhan.

IMAMAT 23:40

Kon singgai dungkuḷ tua moiko in musti mosipú kon bungai in boyómu kon gobámu mita, bo dáun doman mita in palem bo tanga mita in kayu inta norubombong, bo pangkoidon in ramean inta nobaḻí singgai pia in gina sin mohoromat kon i Tuhan Allahmu.

ULANGAN 16:13

“Naonda in bayongan gandummu mopaḷutdon rata bo bayongan bungai in anggurmu nopaḷutdon pinugut, moiko in musti moraya kon Singgai Moḷoben Pondok Daun pitu nosinggai in koonggotnea.