IMAMAT 23:21 - Alkitab Singog In Mongondow Masa In Tanaa

²¹ Kon singgai tatua moiko musti momia kon poyodungkuḷan sin moibada bo diábí motaau in mogaid kon oaidan inta mobogat. Atorang tatua musti duduian in buímu dapot in adí bo ompu, kon ondakabí in pogutunan monia.

IMAMAT 23:21 ပူးပေါင်းရင်းမြစ်များ

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

IMAMAT 23:14

Kon dodai in diápa modia kon sosumba tatua kon i Tuhan, moiko in diábí motaau mokaan kon topiḻikmai in gandum mobagu tatua, pinomayá inta diápa noḷutú, inangag ande inta ain sinubá nobaḻí roti. Atorang tatua musti duduian in bayongan buímu dapot kon adí bo ompu.

IMAMAT 23:2

in atorang mita kon singgai moḷoben in agama, inta musti potaau mobaḻí singgai moḷoben poibadaan.

IMAMAT 23:20

Roti bo adí in domba doyowa tatua musti posumba i imang mobaḻí sosumba tonoion kon i Tuhan, bo tua in mobaḻídon silai in imang. Sosumba mita tatua in motusibí.

IMAMAT 23:25

Posumbadon in kuruban kaanon kon i Tuhan bo dika mogaid kon oaidan inta mobogat kon singgai tatua.

IMAMAT 23:31

Atorang tatua pakéon kon bayongan buímu kon ondakabí in pinogutunan monia.

IMAMAT 23:4

Naa in singgai mita moḷoben inta ain sinantú i Tuhan bo inta musti potaau kon wakutu inta ain sinantú.

IMAMAT 23:7

Kon bonu in pitu nosinggai moiko in musti moposumba in kuruban kaanon kon i Tuhan. Kon singgai inta muna bo kon singgai noginpitu kon poramean tatua moiko in musti momia kon poyodungkuḷan sin moibada bo diápabí motaau in mogaid kon oaidan inta mobogat.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

PINOGIAPAN 18:23

Pangkoion kon tanaa mako tongádon intau mita in Lewi in motaau monoḻisí kon Ḷoḷaigan-Ku bo mopobayá in bayongan oaidan kon tua. Atorang tatua popopaké doman kon bayongan buímu mononoi. Intau in Lewi diá nokouḻí kon tonsilai kon Israel,

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.