IMAMAT 23:14 - Alkitab Singog In Mongondow Masa In Tanaa

¹⁴ Kon dodai in diápa modia kon sosumba tatua kon i Tuhan, moiko in diábí motaau mokaan kon topiḻikmai in gandum mobagu tatua, pinomayá inta diápa noḷutú, inangag ande inta ain sinubá nobaḻí roti. Atorang tatua musti duduian in bayongan buímu dapot kon adí bo ompu.

IMAMAT 23:14 ပူးပေါင်းရင်းမြစ်များ

NEHEMIA 9:14

Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

MAZMUR 19:8

Hukum i Tuhan tua in motomoman, mokosanang kon dimukud. Parenta i Tuhan motaau pirisayaan, mobogoi in hikmat kon intau inta diá kopongalaman.

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 34:26

Pomuḷoi in taong moiko musti modia mayá kon Baḷoi i Tuhan Allahmu in bungai in boyómu inta ḷontú nongkon butámu. Tapú in ki adí in domba ande ki adí in bembé diábí motaau dungúon poyotakinon tubig in teté i inánea.”

IMAMAT 10:11

Bayongan hukum inta inogoi-Ku kon inimu pinongin i Musa, musti motaau tundúon monimu kon bangusa Israel.”

IMAMAT 2:14

Aka moiko moposumba kon i Tuhan in gandum inta muna kinoyut monimu, yo diádon in gandum nobagu inta ain dinodok kino aḷus ande inta ain inangag.

IMAMAT 23:31

Atorang tatua pakéon kon bayongan buímu kon ondakabí in pinogutunan monia.

IMAMAT 23:41

Rame tatua musti aidan monimu pitu nosinggai in koonggotnea. Atorang tatua musti umuran aidan in buímu mita dapot kon adí bo ompu.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

ULANGAN 16:12

Duduiaibí in bayongan parenta-Nea pokosatia, bo dika mokoḻiong kon koḻipod in moiko in atabí kon Mesir.”