IMAMAT 23:13 - Alkitab Singog In Mongondow Masa In Tanaa

¹³ Aka kon kuruban kaanon yo posumbadon in doyowa nokilo in topong bauian in ḷana zaitun. Rongingi in kuruban tatua mokosanang kon gina i Tuhan. Poyotakinon intua posumba domandon in anggur tongoliter.

IMAMAT 23:13 ပူးပေါင်းရင်းမြစ်များ

IḶUAIAN 30:24

Tua komintan simbangon podudui in simbangan inta pinaké kon Ḷoḷaigan-Ku. Dugangai doman in opat noliter ḷana zaitun,

IḶUAIAN 30:9

Donaai moposumba kon tudu in mezbah tatua in dupa inta pinoton, kuruban mahaḷuk ande kuruban oogoi; donaai doman mopobutak in kuruban tubig in anggur kon tudunea.

YEHEZKIEL 4:11

Tubig doman inumonmu in ukuron doman, tongábí doyowa nopalo in tosinggai.

YEHEZKIEL 45:24

Koḻikud intua, musti doman moposumba in gandum mopuḷú bo pitu noliter bo tobotak in kon batúan in sapi koḷakian bo toḷu noliter in ḷana zaitun kon batúan in domba koḷakian.

YEHEZKIEL 46:14

Koḻikud intua, pomuḷoi in doḷo-doḷom musti moposumba doman in gandum doyowa nokilo bo ḷana in zaitun toliter sin popobauk kon gandum tatua. Tuata in kuruban gandum inta pomuḷoi in singgai musti posumba kon i Tuhan; atorang tatua in pakéon modapot in mononoi.

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YOËL 1:9

Gandum bo anggur in diádon nongkon Baḷoi i Tuhan. Dá ponogumatoidon imang mita, inta motoḷutui in mogundoi kon i Tuhan.

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

IMAMAT 14:10

Kon singgai noginwaḷu intau tatua musti modia kon ki adí in domba koḷakian doyowa bo ki adí in domba kobaayan tobatú inta umurdon totaong inta totok in mopia. Koḻikud intua doman topong toḷu nokilo inta ain binauian in ḷana zaitun noyoḷomboi monag in liter.

IMAMAT 23:12

Kon singgai moiko moposumba in gandum tatua, moiko musti moposumba doman in kuruban payongon ki adí in domba tobatú inta koḷakian inta umur totaong bo diá nobogit.

IMAMAT 6:20

naa in sosumba i Harun bo buínea mita, inta musti posumba monia kon i Tuhan kon dodai in mosia baḻíondon imang; Mosia in musti moposumba in topong gandum tokilo kon i Tuhan. Tongosilai kon tua musti posumbanea doḷo-doḷom bo kiagatnea in posumbanea wakutu in ḷoḷabungnea.

PINOGIAPAN 28:10

Kuruban payongon tatua musti posumba pomuḷoi in singgai in Sabat mobaḻí indugang in kuruban muḷoi in singgai poyotakinon in kuruban tubig in anggurnea.