IMAMAT 22:9 - Alkitab Singog In Mongondow Masa In Tanaa

⁹ Bayongan imang musti dumudui kon atorang mita inta inogoi-Ku. Aka diá dumudui, yo moitaḷádon in mosia bo matoi, popisí in noḷawangdon kon atorang mita inta motusi tatua. Akuoi in ki Tuhan, bo Akuoi naa inta ain nonantú kon i monia mobaḻí mogogundoi-Ku.

IMAMAT 22:9 ပူးပေါင်းရင်းမြစ်များ

IḶUAIAN 28:43

Soḷana tatua musti umuran pakéon monia kon dodai in mosia tumuot kon Ḷoḷaigan-Ku ande dimiug kon mezbah sin mogaid kon ibada mobaḻí imang kon Yuang Motusi, sinbá mosia in diá matoi sin popisí in koontongan awak monia inta diá motaau ontongon tua. Atorang tatua umuran popaké kon i Harun bo kon buínea mita.”

IMAMAT 16:13

Dupa tatua musti tubáannea kon tayowon in Poti Dodandian, sahingga poyoknea moikoḷubung kon taḷob in poti tatua bo diádon ontongon i Harun, sin aka ontongonnea, yo matoi in sia.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

IMAMAT 18:30

Dá ki Tuhan noguman, “Duduiaidon in atorang mita inta inogoi-Ku bo dikadon dumayan kon dodia in intau mita inta nogutun kon butá in Kanaan wakutu in moiko diápa nogutun kon tua. Dika moponajis in awakmu tontaní takin momia kon oaid mita tatua. Akuoi ki Tuhan Allahmu.”

IMAMAT 22:16

takin mopomayá mako intua kaanon in intau inta diá motaau mokaan kon tua. Oaid tatua mokopomuká kon taḷá kon intau inta mokopoangoi kon hukuman kon inia. Akuoi naa in ki Tuhan, bo Akuoi in nopotusi kon sosumba tatua.”

PINOGIAPAN 18:22

Intau mita in Israel ibanea diá bidon motaau in dimiug kon Ḷoḷaigan tatua sinbá mosia diá mokopoangoi kon dosa bo hukuman matoi kon i monia tontaní.

PINOGIAPAN 18:32

Diábí moitaḷá in moiko aka mokaan kon tua, asaḷ bo tonsilai inta totok in mopia aindon pinosumba monimu kon i Tuhan. Dika moponajis in sosumba inta motusi in intau Israel takin mokaan kon onu inta pinosumba monia kon dodai in tonsilainea inta totok mopia diápa sinondí posumba kon i Tuhan. Aka moiko ḻimimpat kon parenta tatua, matoi in moiko.

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.