IMAMAT 22:25 - Alkitab Singog In Mongondow Masa In Tanaa

²⁵ Biag inta nouḻí nongkon intau ango-angoi diábí motaau posumba mobaḻí kuruban kaanon. Mahaḷuk tatua inanggap nobogit bo diábí motaau tarimaan.

IMAMAT 22:25 ပူးပေါင်းရင်းမြစ်များ

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

IMAMAT 21:6

Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

IMAMAT 22:26

Adí in sapi, adí in domba ande adí in bembé inta bagu pinogadí mustibí umuran kotaki-takin i inánea modapot in pitu nosinggai in koonggotnea. Bain mopaḷut mako kon tua mahaḷuk tatua motaau tarimaan mobaḻí kuruban kaanon.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.

YOHANES 1 5:18

Kinotaauan naton kon bayongan intau inta ain nobaḻí ki adí mita i Allah, in diábí umuran mogaid kon dosa, sin ki Adí i Allah in umuran moḷukad kon inia, bo ki Inta Moraat in diá mokopongonu kon inia.