IMAMAT 22:22 - Alkitab Singog In Mongondow Masa In Tanaa

²² Dika moposumba kon i Tuhan in mahaḷuk inta bilog, inta noputoḷ in tuḷannea ande inta pinaḻían, inta binituḷ, inta pinayaki kon kuḻitnea ande inta inuka. Mahaḷuk natua dika posumba mobaḻí kuruban kaanon kon tudu in mezbah.

IMAMAT 22:22 ပူးပေါင်းရင်းမြစ်များ

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 22:20

Dika moposumba in mahaḷuk inta nobogit, sin ki Tuhan doíbí motarima kon tua.

IMAMAT 22:21

Aka intau tobatú moposumba kon i Tuhan in kuruban dodamean sin moguboḻi kon dandinea ande kuruban ibogneabí tontaní, mahaḷuk tatua in diábí doman motaau inta mobogit, sinbá tarimaan.

IMAMAT 22:23

Inta baḻíon kuruban ibog tontaní monimu motaaubí in moposumba in mahaḷuk inta diá notompod in kaadaannea; táe aka moguboḻi kon dandi, mahaḷuk natua diábí tarimaan.

IMAMAT 3:3

Aka pakéon kuruban dodamean kon i Tuhan, dá gamáan i imang naa nongkon biag tatua bo posumba: ḷongó inta noibakut kon siannea,

IMAMAT 3:5

Tua komintan poyotakinon in kuruban mita tubáan ibanea, musti tubáan kon tudu in mezbah. Rongingi in kuruban kokaanon tatua mokosanang kon gina i Tuhan.

MALEAKHI 1:8

Aka moiko moposumba kon i-Nakó in biag inta bilog, inta notakit andeka inta noḻempeng, yo tua in noitaḷábí! Tungkuḷaika ogoi in biag natua kon i gubernur! Yo mopia degá in ginanea bo mopia degá in poaidnea kon i monimu?”