IMAMAT 22:2 - Alkitab Singog In Mongondow Masa In Tanaa

² mopotaau in parenta tanaa kon i Harun bo kon i adínea mita, “Kopiaan in mopoaid kon onu inta pinosumba in bangusa Israel kon i-Nakó, sinbá moiko in diá mopokotormai in tangoi-Ku inta motusi. Akuoi in ki Tuhan.

IMAMAT 22:2 ပူးပေါင်းရင်းမြစ်များ

EZRA 8:28

Akuoi in noguman kon imang mita tatua, “Moiko in sinondídon sin mogaid kon bonu in Baḷoi Tuhan, Allah inta sinumba in mogoguyang naton, natua doman in pakakat saḷaka bo buḷawan inta pinosumba kon i Tuhan in sinantú bidon kon tongá kon i Tuhan.

IḶUAIAN 13:12

moiko in musti moposumba in adí monimu ḷoḷaki inta guya-guyang bo bayongan bobiagon koḷakian inta muna pinogadí. Tua komintan ki Tuhan in kitogi,

IḶUAIAN 28:38

Ḷambá buḷawan tatua musti pakéon i Harun kon pogotnea sinbá Akuoi, ki Tuhan, moibog motarima kon bayongan in sosumba inta dinia intau Israel kon i-Nakó, umpaka kon dodai in mosia nodia kon sosumba tatua mosia ain nogaid kon inta noitaḷá.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YEHEZKIEL 44:8

Deemanbí tongá mosia tontaní in mopobayá in upacara mita motusi kon bonu in Baḷoi-Ku, táe intau doman mita ango-angoi inta pinoki aidan monia intua.

IMAMAT 15:31

Ki Tuhan nopotabá kon i Musa moponorop kon bangusa Israel sinbá monarukira mongo kon dodai onda mosia monajis bo diá monajis, sinbá mosia diá moponajis kon Ḷoḷaigan i Tuhan inta kon yua-yuak in ḷoḷaigan monia. Aka mosia moponajis in Ḷoḷaigan tatua, yo matoi in mosia.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

IMAMAT 19:12

Dika modandi podoyon kon tangoi-Ku aka moiko komakusud kon diá mogintompod kon dandi monimu tatua, sin oaid monimu tatua mopoompábímai kon tangoi-Ku. Akuoi in ki Tuhan Allahmu.

IMAMAT 20:3

Intau inta mopokuruban in adínea kon i Molokh, moponajis in Ḷoḷaigan-Ku bo mopoompámai kon tangoi-Ku inta motusi. Hukumon-Ku in sia bo diádon poyoiapon-Ku anggota in umat-Ku.

IMAMAT 21:6

Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

IMAMAT 22:1

Ki Tuhan nopotabá kon i Musa

IMAMAT 22:32

Dika mopokotormai kon tangoi-Ku inta motusi. Bayongan bangusa Israel musti mosumba kon i-Nakó mobaḻí Inta Totok in Motusi. Akuoi in ki Tuhan bo Akuoi in nopobaḻí kon i monimu motusi.

PINOGIAPAN 18:32

Diábí moitaḷá in moiko aka mokaan kon tua, asaḷ bo tonsilai inta totok in mopia aindon pinosumba monimu kon i Tuhan. Dika moponajis in sosumba inta motusi in intau Israel takin mokaan kon onu inta pinosumba monia kon dodai in tonsilainea inta totok mopia diápa sinondí posumba kon i Tuhan. Aka moiko ḻimimpat kon parenta tatua, matoi in moiko.

ULANGAN 15:19

“Adí in sapi bo bembé domba koḷakian inta muna pinogadí mustibí posumba kon i Tuhan Allahmu. Sapi tatua in diábí motaau in pakéon pomajeko, bo domba in diábí motaau in gonsingan.