IMAMAT 22:10 - Alkitab Singog In Mongondow Masa In Tanaa

¹⁰ Sosumba inta ain sinantú kon i-Nakó tongábí motoḷuadí i imang in motaau mokaan; intau ibanea in diábí motaau mokaan kon tua, umpakabí intau tatua nogutun tobaḷoian i imang tatua ande intau inta sinokotondanannea.

IMAMAT 22:10 ပူးပေါင်းရင်းမြစ်များ

EZRA 2:63

Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

IḶUAIAN 12:43

Ki Tuhan noguman kon i Musa bo kon i Harun, “Naadon in atorang Singgai Moḷoben kon Paska. Intau ango-angoi diá motaau mokaan kon tapú in domba inta pinosumba kon singgai in Paska.

IḶUAIAN 12:45

Intau ango-angoi ande intau mononiguan diá motaau tumakin mokaan kon tua.

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

YEHEZKIEL 44:8

Deemanbí tongá mosia tontaní in mopobayá in upacara mita motusi kon bonu in Baḷoi-Ku, táe intau doman mita ango-angoi inta pinoki aidan monia intua.

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 22:13

Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

MATIUS 12:4

Sia in sinumuot kon bonu in Baḷoi Tuhan; bo nokaan kon roti inta ain pinosumba kon i Allah, inta aka dumudui kon atorangnea yo tongábí imang in motaau mokaan kon tua, intau ibanea in diábí motaau.

SAMUEL 1 21:6

Bo ki imang tatua in nobogoi in roti sosumba kon i Daud, sin inta oyúon kon inia in tongádon roti inta pinosumba kon i Allah, bo ain ginamá nongkon mezbah sin baḷuiandon in roti inta mobagu. (

SAMUEL 1 21:7

Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)