IMAMAT 21:9 - Alkitab Singog In Mongondow Masa In Tanaa

⁹ Aka ki adí bobay in imang mobaḻí sundaḷ, yo sia tua in mopoompámaidon kon i amánea bo musti turubon dapot in matoi.

IMAMAT 21:9 ပူးပေါင်းရင်းမြစ်များ

KINOBAḺIAN 38:24

Degá toḷumai nobuḷan noiduduimai kon tua ki Yohuda nokouḻí kon habar kon ki Tamar mototakanea tatua sinumundaḷ bo sidiadon. Bo ki Yohuda nobogoi in parenta, “Gamádon in sia bo tubá dapot in matoi!”

IḶUAIAN 31:14

Singgai pogogaian tatua musti horomaton monimu mobaḻí singgai inta motusi. Moiko inogoian-Kudon in onom nosinggai sin pogaidan monimu, táe singgai noginpitu in singgai moḷoben inta nobaḻí singgai-Ku. Ki ine in diá mohoromat kon singgai tatua, táe umuran doman mogaid in kon singgai tatua yo musti hukumon matoi.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

IMAMAT 19:29

Dika mopoompámai in tangoi i adímu mita bobay takin mopobaḻí kon i monia bobay sundaḷ kon kuil. Aka momia kon natua yo moiko in aindon noporomúmai kon butámu, bo oaid mita inta moromú tatua mongawasadon kon tua.

IMAMAT 20:14

Aka ḷoḷaki tobatú mobuḷoi kon bobay tobatú takin ki iná in bobay tatua, dá taya toḷu tua in musti turubon dapot in matoi, popisí in mosia nomia kon oaid inta moraat totok. Oaid ná mita tatua in diábí motaau in aidan kon sigad monimu.

MALEAKHI 2:3

Ki adímu mita in tokohukumon-Ku, bo pogotmu in ḻepoan-Ku in taai in biag inta pinokuruban monimu, bo moiko in pogambat kon bonturungan in taai.

ULANGAN 22:21

dá bobay tatua in musti diaan kon tayowon in baḷoi in guyanganea. Kon tampat tatua ḷoḷaki mita nongkon kotá tatua musti mogandur in batu kon bobay tatua dapot in matoi. Bobay tatua ain nogaid kon inta mokooyá kon bangusa naton sin nosiugdon takin ḷoḷaki kon dodai in diápa pinobuḷoi kon dodai in sia nogutunpa kon baḷoi i amánea. Aid monimu tatua monginggamá kon aid moraat tatua.

TITUS 1:6

Intau inta baḻíon itoi kon jamaat in mustibí intau inta mopia; bo tongá kobuḷoi kon tobatú; bo ki adínea mita mustibí inta komintandon nopirisaya kon i Kristus bo diá doman mokaḷakuang, bo moibog doman mokidongog kon guyanga.

YOSUA 7:15

Bo ki ine inta noniatadon kon ain notagú kon barang inta ilarang tatua dá mustidon tubáan kopayongon moyotakin in motoḷuadínea bo bayongan kapunyaannea; sin siadon tuata inta iḻimimpat kon dodandian bo nomiadon kon moraat moḷoben kon yua-yuak in umat in Israel.”

YOSUA 7:25

Bo ki Yosua noguman kon i Akhan, “Nongonu sin iko in nopoangoibí in roriga kon inaton? Tanaa ki Tuhan mopoangoidon in roriga kon inimu!” Dá ki Akhan takin mosia motoḷuadínea inarabdon in bayongan umat in Israel in batu nodapot in minatoi. Komintan kapunyaannea, bo barang mita inta sinakownea nodaitdon sinubá nodapot in nopayong komintan.

SAMUEL 1 2:17

Natuata in kobobaradosa i adí i Eli doyowa tatua kon tayowon i Tuhan, popisí in mosia mopoonagmai kon sosumba kuruban kon i Tuhan.

SAMUEL 1 2:34

Mobaḻí tomponuot kon bayongan inta ain pinoguman-Ku tua in totuubí, dá ki adímu doyowa tatua, ki Hopni bo ki Pinehas in matoibí kon tongosinggai monag.