IMAMAT 21:6 - Alkitab Singog In Mongondow Masa In Tanaa

⁶ Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

IMAMAT 21:6 ပူးပေါင်းရင်းမြစ်များ

EZRA 8:28

Akuoi in noguman kon imang mita tatua, “Moiko in sinondídon sin mogaid kon bonu in Baḷoi Tuhan, Allah inta sinumba in mogoguyang naton, natua doman in pakakat saḷaka bo buḷawan inta pinosumba kon i Tuhan in sinantú bidon kon tongá kon i Tuhan.

IḶUAIAN 19:22

Nodapot in imang mita inta moibog dimiug kon i-Nakó, musti mondarit kon awak; aka diá, yo mosia in hukumon-Ku.”

IḶUAIAN 28:36

Pomiaaidon kon ḷambá nongkon buḷawan bo pais popokurig in tosingogon tanaa: ‘Tongábi ogoi kon i Tuhan’.

IḶUAIAN 29:44

Baḻíon-Ku in Ḷoḷaigan bo mezbah tatua motusi. Ki Harun bo ki adínea mita in potondíon-Ku nongkon intau ibanea sinbá mosia motaau mogaid kon oaidan-Ku mobaḻí imang.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

IMAMAT 19:12

Dika modandi podoyon kon tangoi-Ku aka moiko komakusud kon diá mogintompod kon dandi monimu tatua, sin oaid monimu tatua mopoompábímai kon tangoi-Ku. Akuoi in ki Tuhan Allahmu.

IMAMAT 20:3

Intau inta mopokuruban in adínea kon i Molokh, moponajis in Ḷoḷaigan-Ku bo mopoompámai kon tangoi-Ku inta motusi. Hukumon-Ku in sia bo diádon poyoiapon-Ku anggota in umat-Ku.

IMAMAT 21:17

mopotaau in naa kon i Harun, “Intau tobatú buímu inta awaknea nobogit diábí motaau in moposumba in kuruban kaanon kon i-Nakó. Tua in musti umuran pakéon modapot kon adí bo ompu.

IMAMAT 21:21

Bayongan buí i Imang Harun inta nobogit in awaknea diábí motaau moposumba in kuruban kaanon kon i-Nakó.

IMAMAT 21:23

Popisí in intau tatua nobogit in awaknea, dá sia diá motaau dimiug kon toḻipoi inta nopoyotondí in Yuang Motusi ande mezbah. Sia diábí motaau moponajis in barang mita inta ain sinondí kon i-Nakó, sin Akuoi in ki Tuhan, bo Akuoi in nonondí kon barang mita tatua.”

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

IMAMAT 3:11

Ki imang inta mogaid kon oaidannea musti motubá kon tua mita kon tudu in mezbah sin mobaḻí kuruban kokaanon kon i Tuhan.

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 28:2

mopotaau kon bangusa Israel kon mosia in mustibí, monarukira totok sinbá kon wakutu mita inta ain sinantú, moposumba in kuruban mita inta ná kaanon inta mokosanang kon gina i Tuhan.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.