IMAMAT 21:23 - Alkitab Singog In Mongondow Masa In Tanaa

²³ Popisí in intau tatua nobogit in awaknea, dá sia diá motaau dimiug kon toḻipoi inta nopoyotondí in Yuang Motusi ande mezbah. Sia diábí motaau moponajis in barang mita inta ain sinondí kon i-Nakó, sin Akuoi in ki Tuhan, bo Akuoi in nonondí kon barang mita tatua.”

IMAMAT 21:23 ပူးပေါင်းရင်းမြစ်များ

NEHEMIA 13:29

Nosambayang in akuoi, “Oo Allahku, toropdon naonda in intau mita tatua noporaatmai kon aid monia saḷaku imang bo dodandian-Mu takin imang mita bo intau mita in Lewi!”

IMAMAT 15:31

Ki Tuhan nopotabá kon i Musa moponorop kon bangusa Israel sinbá monarukira mongo kon dodai onda mosia monajis bo diá monajis, sinbá mosia diá moponajis kon Ḷoḷaigan i Tuhan inta kon yua-yuak in ḷoḷaigan monia. Aka mosia moponajis in Ḷoḷaigan tatua, yo matoi in mosia.

IMAMAT 19:2

mopotaau kon bangusa Israel in parenta tanaa, “Moiko in musti motusi, sin Akuoi ki Tuhan Allahmu in motusi.

IMAMAT 20:7

Ḷukadai sinbá moiko umuran motusi, sin Akuoi in ki Tuhan Allahmu.

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 21:24

Tuata in atorang mita inta pinotaau i Musa kon i Harun bo kon i adínea mita, bo kon bayongan bangusa Israel.

IMAMAT 21:6

Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

IMAMAT 22:16

takin mopomayá mako intua kaanon in intau inta diá motaau mokaan kon tua. Oaid tatua mokopomuká kon taḷá kon intau inta mokopoangoi kon hukuman kon inia. Akuoi naa in ki Tuhan, bo Akuoi in nopotusi kon sosumba tatua.”

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?